Sápıev pen Eleýsinov Shýda sport keshenin ashty
ASTANA. QazAqparat - 19 qazanda Jambyl oblysy Shý aýdanynda Qazaqstan boks federatsııasy jańa «Tarlan» dene shynyqtyrý-saýyqtyrý keshenin ashyldy, dep habarlaıdy QazAqparat.
Ashylý rásimin QBF atqarýshy dırektory Bekjan Bektenov, QBF vıtse-prezıdenti ıÝrıı Tshaı jáne federatsııanyń basqa da ókilderi ótkizdi. Sharaǵa qurmetti qonaq retinde Jambyl oblysynyń ákimi Kárim Kókirekbaev shaqyrtyldy. Shý turǵyndary Olımpıada chempıondary Serik Sápıev pen Danııar Eleýsinovty qarsy aldy.
«Tarlan» kesheni QBF qarajatyna salyndy. Bul QBF prezıdenti Tımýr Qulybaev bastamashylyq etken óńirlerdiń sporttyq ınfraqurylymyn damytý jumystary aıasynda salynǵan tórtinshi keshen. Mundaı keshender Semeıde, Qyzylordada, Túrkistanda sátti jumys isteýde.
