Saperlar Arystaǵy qoımanyń aýmaǵyn tazartýǵa kiristi

NUR-SULTAN. QazAqparat – Qorǵanys mınıstrliginiń ınjener-saper bólimsheleri Arysta qoıma syrtyndaǵy aýmaqtardy tazalap bolyp, endi qoıma aýmaǵyn tazalaý jumystaryn bastady. Áskerı qalashyqty qalpyna keltirý jumystary júrip jatyr, dep habarlaıdy QazAqparat QR Qorǵanys mınıstrliginiń baspasóz qyzmetine silteme jasap.

Apta saıynǵy sapary barysynda qorǵanys vedomstvosynyń basshysy qalashyqtaǵy jóndeý jumystarymen tanysyp, oryndalǵan jumystardyń nátıjesi týraly baıandamalardy tyńdady. Qorǵanys mınıstri qoımany sapaly tazartý jáne jergilikti turǵyndardyń qaýipsizdigin qamtamasyz etý – basty mindet ekenin aıtty ári qalpyna keltirý jáne joıý jumystaryna qatysty birneshe tapsyrmalar berdi.

Arysta áskerı qyzmetshiler tótenshe jaǵdaı saldaryn joıyp jatyr. Oq-dárilerdiń bólshekterin izdep taýyp, kózin qurtýǵǵa ınjener-saper toptary jumyldyrylǵan. Qazirge deıin olar 150 myń bólshekti tapty. Búginge deıin saperlar 1 250,7 sharshy kılometr – Sıngapýrdyń jer kóleminen eki ese úlken aýmaqty tazalady.

Oq-dári bólshegi tabylǵan jerge baratyn jyljymaly top jergilikti turǵyndarmen birge jumys istep jatyr.

Qorǵanys mınıstrligi halyqtyń qaýipsizdigin qamtamasyz etý maqsatynda Arys qalasynyń turǵyndaryna oq-dárilerdiń bólshekteri men basqa da kúdikti zattardy tapqan kezde mobıldi topqa shuǵyl habarlaýdy jáne óz betinshe eshqandaı is-áreket jasamaýdy ótinedi.