Sapasyz zań kómegi úshin saqtandyrý tólemin qalaı alýǵa bolady

NUR-SULTAN. QazAqparat – QR Ádilet mınıstri Marat Beketaev sapasyz zań kómegi úshin saqtandyrý tólemin qalaı alýǵa bolatynyn túsindirdi, dep habarlaıdy QazAqparat tilshisi.

«Zańgerdi tańdaǵan kezde, odan saqtandyrý shartyn suraý kerek. Saqtandyrý sharty joq advokat nemese zań konsýltantty jaldaý qajetsiz dep sanaımyz.

Saqtandyrý shartyn qaraǵan kezde óteletin somaǵa nazar aýdarý qajet. Bul turǵyda sizge sapasyz zań kómegi kórsetilse, onda osy somany talap ete alasyz», - dedi mınıstr Ortalyq kommýnıkatsııalar qyzmetinde.

Osy oraıda ol zań kómegi sapasyz júrgizilse qandaı qadamdar jasaý kerektigin túsindirdi.

«Eger qyzmet sapasyz kórsetilgenin túsinseńiz, onda saqtandyrý kompanııasyna baryp, zańgerge narazylyǵyńyzdy aıtýyńyz qajet. Saqtandyrý kompanııasy sizdiń ótinishińizdi qarastyrady. Tıisti kemshilikterdi tapsa, olar saqtandyrý somasyn tóleıdi», - dedi Beketaev.

Budan buryn habarlanǵandaı , búgin onlaın rejımde halyq aldynda esep berý kezinde Ádilet mınıstri sapasyz zań kómegi úshin qazaqstandyqtar saqtandyrý tólemin talap ete alatynyn aıtqan edi.