Sapasyz zań kómegi úshin qazaqstandyqtar saqtandyrý tólemin talap ete alady

NUR-SULTAN. QazAqparat – Qazaqstandyqtar sapasyz zań kómegi jasalsa, saqtandyrý tólemin alýǵa quqyly. Bul týraly QR Ádilet mınıstri Marat Beketaev málim etti, dep habarlaıdy QazAqparat tilshisi.

«Bıyldyń 1 qańtarynan bastap advokattar men zań konsýltanttaryna ózderiniń kásibı qyzmetin saqtandyrý mindeti júktelgen. Endi advokat nemese konsýltant sapasyz zań kómegin kórsetý arqyly zalal keltirse, onyń ishinde qujattardy durys rásimdemese jáne áreketsizdik tanytsa, onda azamattar saqtandyrý ótemaqysyn talap ete alady», - dedi mınıstri onlaın rejımde halyq aldynda esep berý barysynda.

Ol úshin zań kómegine shart jasaý kezinde adamdar advokattan jáne konsýltanttan kásibı jaýapkershiligin saqtandyrǵany týraly qujattyń kóshirmesin suraýǵa quqyly.

Budan buryn habarlanǵandaı, mınıstr elimizde zań kómegin aqysyz alý tártibi týraly aıtty.