Sapasyz taýarlar usynǵan azyq-túlik dúkenderiniń tizimi jarııalandy

ASTANA. QazAqparat - QR UEM Tutynýshylardyń quqyqtaryn qorǵaý komıteti 2016 jyldyń 8 aıynda respýblıkadaǵy iri sýpermarketterde 175-ten astam buzýshylyqty anyqtady.

Atalmysh komıtettiń saıtynda jarııalanǵan aqparatqa súıensek, tıisti sapadaǵy qaýipsiz taýardy satyp alýda tutynýshylardyń quqyqtaryn buzǵan iri saýda nysandarynyń tizimi kelesideı:  «Metro Kesh end Kerrı» (43 buzýshylyq), «Ramstor Kazahstan» (18 buzýshylyq), «Magnum» (21 buzýshylyq)  jáne "Madjıd Al Fýttaım Gıpermarkets Kazahstan" (23 buzýshylyq)  gıpermarketteri; «Anvar» (28 buzýshylyq), «Small» (32 buzýshylyq) sýpermarketteri jáne basqalary.

Saýda nysandarynda ónimderdiń bakterıologııalyq kórsetkishteri, saqtaý talaptary jáne jaramdylyq merzimderi  talaptarǵa sáıkes kelmegen,  olardyń sáıkestigin rastaıtyn qujattar bolmaǵan. Satýǵa qabyldap alynǵan kezde ónimniń tańbasyna jáne óndirý kúnine kóńil aýdarylmaǵan, memlekettik tildegi ónimdi tańbalaý jónindegi talaptar eskerilmegen.

Osyǵan baılanysty, Tutynýshylardyń quqyqtaryn qorǵaý komıteti ónimderdi (taýarlardy) satyp alý kezinde ónimniń jaramdylyq merzimine, saqtaý talaptaryna jáne tańbalaýǵa kóńil aýdarýdy suraıdy.