Sapasyz qurylys salǵan eki kompanııanyń isi sotta qaralady
ShYMKENT. QazAqparat - Ońtústik Qazaqstan oblysynda sapasyz qurylysqa jol bergen eki kompanııanyń isi sotta qaralady. Merdigerler memlekettik baǵdarlamalar boıynsha turǵyn úıler salýmen aınalysqan. Bul týraly oblystyq qurylys basqarmasynyń basshysy Salyhan Polatov málimdedi, dep habarlaıdy QazAqparat HAA tilshisi.
Basqarma basshysynyń sózinshe, qurylys jumystaryn talapqa saı júrgizbegen kompanııalarǵa aıyppul salynǵan. Búgingi tańda osyndaı 30 merdiger mekeme anyqtalyp otyr. Sondaı-aq jobalaýshylar men tapsyrys berýshiler de óz isterine salǵyrt qaraıtyny jumysqa kedergisin keltirgen. Konkýrstar merziminen keshiktirilip, nysandardy salýǵa bólingen qarajattar da der kezinde jetpeı jatady eken. Al, qurysshylar jumys barysynda qoıylatyn talaptardy saqtamaıtyn bolyp shyqty. ıAǵnı, arnaıy kıimder kımesten, belgilengen ýaqytqa saı jumys istemeıdi. Olardyń jaýapsyzdyǵy saldarynan jumysshylar jazataıym jaǵdaılarǵa túsken.
Baspasóz máslıhatynda Salyhan Polatov ótken jyly qurylys salasyna bólingen qarjydan 18 mln. teńge ıgerilmeı qalǵanyn aıtty. Soǵan qaramastan josparlanǵan jumystar tolyǵymen atqarylǵan.
