Sapasyz konservi satqan sheneýnik kásipkerlerdi 600 mln teńge shyǵynǵa ushyratty
Bul týraly QR Sybaılas jemqorlyqqa qarsy is-qımyl Ulttyq bıýrosynyń baspasóz hatshysy Arman Berdalın elordada ótken brıfıngte málimdedi.
«Sybaılas jemqorlyqqa qarsy is-qımyl ulttyq bıýrosy QR Tsıfrlyq damý, qorǵanys jáne aeroǵarysh ónerkásibi mınıstrligi Memlekettik materıaldyq rezervter komıteti tóraǵasynyń laýazymdyq ókilettikterdi teris paıdalaný faktisin anyqtady. Ol 2018 jyly rezervtiń saqtaýyndaǵy sıyr etiniń konservisi memlekettik standartqa sáıkes kelmeıtinin, sapasyz jáne quramynda sıyr etiniń ornynda soıa bar ekendigin bilgen. Bile tura, bul ónimdi óz isin adal júrgizetin kásipkerlerge satty, saldarynan kásipkerler 600 mln teńgeden astam shyǵynǵa ushyrady», - dedi A. Berdalın brıfıngte.
Sot sanktsııasy boıynsha kúdiktini «úıqamaqqa alý» túrindegi bultartpaý sharasy qabyldandy.
«2015 jyly atalǵan konservilerdi komıtetke soltústikqazaqstandyq óndirýshi jetkizgen, osylaısha memleketke 1,8 mlrd teńge somasynda zalal keltirilgen. Óndirýshi kompanııa basshysyna qatysty sotqa deıingi tergeý bastaldy, sot sanktsııasy boıynsha kúdiktige qatysty «kúzetpen ustaý» túrindegi bultartpaý sharasy qabyldandy. Tergeý jalǵasýda», - dedi Ulttyq bıýro ókili.