Sapasyz bilim beretin joǵary oqý oryndaryn myqtap qolǵa alatyn bolamyz - BǴM
ASTANA. QazAqparat - Sapasyz bilim beretin joǵary oqý oryndaryn myqtap qolǵa alatyn bolamyz. Bul týraly búgin Ortalyq kommýnıkatsııalar qyzmetinde ótken brıfıngte QR Bilim jáne ǵylym mınıstri Aslan Sárinjipov aıtty.
Onyń málimetinshe, sapasyz bilim berip kelgen biraz JOO jabyldy, al 6 bilim ordasynyń isi sotta qaralyp jatyr.
«Sapasyz bilim beretin joǵary oqý oryndarymen tyǵyz qarym-qatynasta jumys jasaıtyn bolamyz. ıAǵnı, olar ne sapaly bilim beretin bolady nemese biz olardyń lıtsenzııasyn qaıtaryp alamyz. Óıtkeni bilim sapasy óte mańyzdy másele bolyp otyr», - dep atap ótti mınıstr.
Bul másele jýrnalıstiń Almatydaǵy Bank kolledjiniń jabylýyna baılanysty qoıǵan suraǵynyń aıasynda talqylandy.
«Negizi kez kelgen sapasyz bilim beretin oqý orny birden jabyla salmaıdy. Biz aldymen onyń lıtsenzııasyn ýaqytsha qaıtaryp alamyz. Osy ýaqytta ol óz qatelikterin túzetýi tıis. Al belgilengen merzimde olqylyqtarynyń ornyn toltyra almasa, biz ol oqý ornyn jabýǵa májbúr bolamyz», - dep túsindirdi vıtse-mınıstr Esenǵazy Imanǵalıev.
Onyń aıtýynsha, atalǵan kolledj osyndaı jolmen jabylǵan. Al onyń stýdentteri eshqandaı qıyndyq kórmeıdi. Olar óz mamandyqtary boıynsha nemese óziniń mamandyǵyna uqsas mamandyqtarǵa basqa oqý oryndaryna aýysa alady.
