Sapasyz baılanys, ınternet: Saıasattanýshy Talǵat Qalıevtiń pikiri qandaı

ASTANA. QazAqparat – Uıaly baılanys salasynda básekelestik talaptaryna erekshe mán berý kerek. Belgili saıasattanýshy, sarapshy Talǵat Qalıev osyndaı pikir bildirdi, dep habarlaıdy QazAqparat tilshisi.

Jalpy, uıaly baılanys operatorlary tarıfterdi ózderine kerek kezde kóterip turýy – durys emes. Meniń oıymsha, bul protsester básekelestik tetikteri arqyly rettelýi tıis. Ol úshin bizdegi sııaqty monopolııa bolmaýy kerek. Ár baılanys operatory naryqtyq jaǵdaıda óz ónimderin usynýy qajet. Bul turǵyda abonentte ózine tıimdisin tańdaý múmkindigi bolady. ıAǵnı abonenttiń kóńilinen shyqpasa, basqa operatorǵa aýysa salady

, - dedi T. Qalıev.

Onyń paıymynsha, iri operatorlardyń bir monopolııada bolýy básekelestik talaptaryna múmkindik bermeıdi. Bul turǵyda olardyń bir-birimen kelisip, biryńǵaı tarıfterdi ornatý yqtımaldyǵy joǵary.

Atap aıtqanda, uıaly baılanys pen ınternet sapasyna qatysty qoǵamda biraz shaǵym aıtyldy. Astananyń ózinde keıbir aýdandarda baılanys sapasy nashar bolyp jatady. Qalanyń syrtynda, negizgi avtojoldarda, kóptegen aýylda ınternet qosylmaǵan. Qazirgi zamanaýı talaptar aıasynda sapaly uıaly baılanystyń bolýy óte mańyzdy. Sebebi bıznes, bilim, densaýlyq saqtaý, tótenshe jaǵdaı salasyndaǵy protsester ınternetpen tyǵyz baılanysty

, - dedi sarapshy.

Qazir álemde 5G baılanys júıesine erekshe mán berip otyr. Bul baılanys júıesi arqyly erekshe múmkindikter bolady. Alaıda elimizde 5G áli de keńinen taralmaǵan. Jalpy, áleýmettik jelide baılanys operatorlarynyń qyzmetine qatysty túrli pikir men oryndy syn aıtylyp jatyr dep sanaımyn

, - dedi Talǵat Qalıev.

Budan buryn «Beeline Qazaqstannyń» bas atqarýshy dırektory elimizde ne sebepti uıaly baılanys qyzmeti qymbattap jatqanyn túsindirýge tyrysqan edi.

Onyń aıtýynsha, keıingi 5 jylda elimizde ár abonent ınternetti 4 ese kóbirek paıdalana bastaǵan.

Sonymen qatar elimizde jańa uıaly baılanys operatory paıda bolýy múmkin ekeni belgili boldy.

Uıaly baılanys operatorlary elimiz aýmaǵy sapaly ınternetpen qashan qamtylatynyn aıtty.