Sapasynyń artýyna qaraı otandyq JOO-lardaǵy oqý aqysy da ósedi

NUR-SULTAN. QazAqparat – Sapasynyń artýyna qaraı otandyq joǵary oqý oryndaryndaǵy bilim alý aqysy da ósedi. Bul týraly Qazaqstan Prezıdenti Qasym-Jomart Toqaev halyqqa Joldaýynda aıtty, dep habarlaıdy QazAqparat Aqordaǵa silteme jasap.

«Sondyqtan, memleket UBT nátıjeleri men ózge de kórsetkishterge baılanysty 30-dan 100%-ǵa deıin saralanatyn bilim granttaryn bólýdi josparlap otyr.

Oqýǵa jyldyq 2-3% paıyzben jeńildetilgen nesıe de beriledi.

Bul sharalar joǵary bilimdi meılinshe qoljetimdi etedi, sondaı-aq qoǵamdaǵy seriktestik pen ózara jaýapkershilik ıdeologııasyn nyǵaıtady», - dedi Prezıdent.

Aıta keteıik, Prezıdent Parlament palatalarynyń birlesken otyrysynda jetinshi saılanǵan Parlamenttiń úshinshi sessııasyn ashyp, halyqqa Joldaýyn jarııalap jatyr.