Sapasy syn kótermeıtin ónimderdiń 10 myńnan astam toptamasyn ótkizýge tyıym salyndy
ASTANA. 18 qazan. QazAqparat - QR Indýstrııa jáne jańa tehnologııalar mınıstrligi Tehnıkalyq retteý jáne metrologııa komıtetiniń departamentteri bıylǵy 9 aıda 3 myń 823 kásiporynǵa tekseris júrgizdi.
Bul týraly búgin Astanada ótken brıfıngte atalǵan komıtettiń tóraǵasy Ryskeldi Sátbaev aıtty.
«Tekseris nátıjesinde tehnıkalyq retteý men metrologııa salasyndaǵy zańnama talaptaryn buzý jaǵdaıy 70 paıyzdan astam deńgeıinde aıqyndaldy»,-deıdi ol.
Belgili bolǵandaı, bıylǵy 9 aıda jalpy somasy 2 mıllıard teńgeden astam qarjy kólemindegi sapasy qanaǵattanarlyqsyz, sondaı-aq sáıkestik sertıfıkattary men tańbasy joq túrli ónimniń 12 myńnan astam toptamasyn ótkizýdiń joly kesildi. Atalǵan zańnama talaptaryn saqtamaý faktileri úshin 88 mln. teńgeden astam qarjyny quraıtyn 1 724 aıyppul salynǵan.
