Sapasyz avtomektepter tizilimnen shyǵarylady — Oljas Bektenov
ASTANA. KAZINFORM — Qazaqstanda jańadan kólik júrgize bastaǵan azamattardy daıarlaý sapasyna talap kúsheıtiledi. Avtomektepterdiń jumysy qatań baqylaýǵa alynyp, talaptardy buzǵan oqý uıymdary jalpy tizilimnen shyǵarylýy múmkin. Bul týraly Úkimet otyrysynda Premer-mınıstr Oljas Bektenov málimdedi.
— Kólik quralyn basqarýdy jańadan bastaǵan júrgizýshiler sanatyna erekshe nazar aýdarý qajet. Kóbine olar jol jaǵdaıyn jáne óz múmkindikterin durys baǵalamaý, jol erejelerin saqtamaý saldarynan apatqa ushyrap jatady, — dedi Oljas Bektenov Úkimettiń búgingi otyrysynda.
Premer-mınıstr Іshki ister mınıstrligine kólik júrgizýshilerin daıarlaý sapasyn arttyrý maqsatynda oqý uıymdarynyń qyzmetin retteý jáne úılestirý jumystaryn kúsheıtýdi tapsyrdy.
— Zań buzý anyqtalǵan jaǵdaıda mindetin adal atqarmaǵan avtomektepterdi jalpy tizilimnen shyǵarý qajet. Bul baǵyt boıynsha mınıstrliktiń tıisti ókilettikteri bar, — dedi Úkimet basshysy.
Buǵan deıin Kólik mınıstri eldegi jol apattarynyń basty sebebin ataǵan edi.
Sondaı-aq jalǵan tehbaıqaý ótkizgen ortalyqtar 3 jyl jumys isteı almaıdy.
