Saparhan Omarov qus etimen tolyqtaı qamtamasyz etý merzimin atady
NUR-SULTAN. QazAqparat – Іshki naryqty tolyqtaı qamtamasyz etý baǵytynda qus etin óndirý qýatyn qosymsha 171 myń tonnaǵa arttyrý qajet. Bul týraly QR Aýyl sharýashylyǵy mınıstri Saparhan Omarov málim etti, dep habarlaıdy QazAqparat tilshisi.
«Qazir qus eti boıynsha óz óndirisimizdiń kólemi ishki naryq qajettiliginiń 58 paıyzyn ǵana jabady. Іshki naryqty tolyqtyrý úshin qus etin óndirý qýatyn qosymsha 171 myń tonnaǵa arttyrý qajet. Bul mindet jańa qus fabrıkalaryn iske qosý, sondaı-aq qus fabrıkalarynyń qoldanystaǵy qýattylyqtaryn keńeıtý esebinen 2023 jyldyń sońyna deıin iske asyrylatyn bolady. Otandyq óndiris esebinen qus eti ımporty kólemin qysqartý el ekonomıkasynda jyl saıyn shamamen 177 mln AQSh dollaryn nemese 77 mlrd teńgeni saqtap qalýǵa múmkindik beredi, olar qazir valıýtalyq túsim túrinde basqa elderge ketýde», - dedi mınıstr Úkimet otyrysynda.
Onyń sózine qaraǵanda, atalǵan mindetti oryndaý úshin jalpy qýaty 285 myń tonna qus etin óndiretin 19 qus fabrıkasy, onyń ishinde bıyl jalpy qýaty 70 myń tonna bolatyn 6 qus fabrıkasy, 2021 – 2023 jyldary jalpy qýaty 215 myń tonna bolatyn 13 qus fabrıkasy iske qosylatyn bolady. Bul ishki naryq qajettiligin tolyq kólemde qamtýǵa múmkindik beredi.
«Joǵaryda atalǵan 13 ınvestıtsııalyq jobany iske asyrý úshin qosymsha 147 mlrd teńge, onyń ishinde 69 mlrd teńge kredıttik resýrstar qajet etiledi. Jobalardy tabysty iske asyrý úshin mynadaı máselelerdi jedel sheshý qajet: ınjenerlik ınfraqurylym júrgizýge qarajat bólý, qus etin óndirýdi sýbsıdııalaýǵa jáne ınvestıtsııalyq sýbsıdııalarǵa qarajat bólý, qus eti ımportyna arnalǵan tarıftik kvotalardy bólý tetigin óńdeýshi kásiporyndardyń paıdasyna ózgertý, azyq óndirý úshin jer bólý», - dedi S. Omarov.
