Saparhan Omarov kóktemgi egis jumystaryna melekettik kredıt kólemin atady
«Bıyl egis jumystaryn júrgizý úshin Energetıka mınıstrliginiń kelisimimen aqpan-maýsym aılaryna shamamen 380 myń tonna dızel otyny bólindi. Qazirgi ýaqytta oblystardyń operatorlary munaı óńdeý zaýyttarymen sharttar jasasý jáne dıqandar úshin dızel otynyn tıep-jóneltý rásimderin júrgizýde. Kesteniń qoldanylý kezeńinde Aýyl sharýashylyǵy mınıstrligi Energetıka mınıstrligimen birlesip. óńirlerge munaı óńdeý zaýyttarynan dızel otynynyń tıep-jóneltilýine kún saıyn monıtorıng júrgizip otyr», - dedi Saparhan Omarov.
Mınıstrdiń atap ótýinshe, bıylǵy kóktemgi dala jumystaryn qarjylandyrýǵa memleket tarapynan 116,8 mlrd teńge kredıttik qarjy qarastyrylyp otyr. Onyń ishinde agroónerkásiptik keshen sýbektilerin qoldaý is-sharalaryn júrgizý úshin «Agrarlyq nesıe korporatsııasy» AQ respýblıkalyq bıýdjetten kóktemgi dala jáne egin jınaý jumystaryn júrgizýge 70 mlrd teńge kóleminde bıýdjettik kredıt bóldi.
«Búgingi kúni «Keń dala» baǵdarlamasy aıasynda 48,6 mlrd teńge somasyna 1 326 aýyl sharýashylyǵy taýaryn óndirýshi qarjylandyryldy. Taǵy 562 aýyl sharýashylyǵy taýaryn óndirýshi 10,6 mlrd teńge somasyna qarjylandyrylý satysynda. Sonymen qatar, «Aýyl sharýashylyǵyn qarjylaı qoldaý qory» AQ kredıtter kólemi 6 mln teńgeden aspaıtyn kóktemgi dala jumystaryn júrgizýdi qarjylandyratynyn da atap ótý qajet. Búgingi tańda 60-tan astam usaq aýyl sharýashylyǵy taýaryn óndirýshige 370 mln teńgeden astam qarajat berildi», - dedi ol.