Saparhan Omarov aýyl turǵyndaryna beriletin nesıe túrlerin atady
«Jalpy ımportty almastyrý aıasynda 2024 jylǵa deıin 19 qus fabrıkasyn, jyl saıyn 35 taýarlyq sút fermasyn, 9 et kombınatyn iske qosý, sondaı-aq Jambyl oblysynda
1 jańadan qant zaýyty qurylysy josparlanǵan. 6,6 myń gektar alańda jańa qarqyndy baq otyrǵyzý kózdelgen. Bul jobalardy engizý aýylda 20 myńǵa jýyq jumys ornyn qurýǵa múmkindik berdi», - dedi mınıstr.
Onyń atap ótýinshe, «Eńbek» baǵdarlamasy aıasynda aldaǵy bes jylda aýyldarda 250 mlrd teńge somaǵa 50 myń mıkrokredıt berý josparlanyp otyr.
«Atalǵan badarlama boıynsha ótken jyldyń ózinde osy maqsattarǵa 43,2 mlrd teńge baǵyttaldy. Bul 11 myńnan astam mıkrokredıt berýge múmkindik berdi. Onyń 60 paıyzyn startap-jobalar quraıdy. Baǵdarlamany iske asyrý aýylda 11 myń turaqty jumys ornyn qurýǵa múmkindik berdi. Sondaı-aq, «Sybaǵa» baǵdarlamasy boıynsha jeńildetilgen kredıt berý aıasynda 2025 jylǵa deıin etti mal sharýashylyǵynda 175 mlrd teńge somasyna 2 500 sharýashylyqqa kredıt berý josparlanýda, nátıjesinde 10 myń jumys orny qurylady», - dedi Saparhan Omarov.
Mınıstrdiń dereginshe, qoı sharýashylyǵynda «Altyn asyq» baǵdarlamasy boıynsha 117,2 mlrd teńge somasyna 11 myń sharýashylyqqa kredıt berý josparlanǵan. Bul 33 498 jumys ornyn qurýǵa múmkindik beredi.
«Keń Dala» baǵdarlamasy boıynsha jyl saıyn kóktemgi dala jáne egin jınaý jumystaryn júrgizýge 70 mlrd teńge kóleminde bıýdjettik kredıt bólinedi. Bıyl 2 400 taýar óndirýshige 3 mln gektar alańǵa aýyl sharýashylyǵy daqyldaryn egý úshin jalpy somasy 70 mlrd teńge qysqa merzimdi kredıt berý kózdelgen. Búgingi kúni baǵdarlama aıasynda 1 923 aýyl sharýashylyǵy eńbekkeri jalpy somasy 63,0 mlrd teńgege qarjylandyryldy», - dedi ol.
