Saparhan Omarov Aqmola oblysyndaǵy kásiporyndardy aralady
Bul týraly QazAqparat QR Aýyl sharýashylyǵy mınıstrliginiń baspasóz qyzmetine silteme jasap habarlaıdy.
Mınıstrdiń sapary Aqmola oblysy men Kókshetaý qalasyndaǵy mınıstrliktiń aýmaqtyq bólimsheleri men vedomstvoǵa qarasty uıymdardyń basshylarymen kezdesýden bastaldy.
QR AShM basshysy «Kazrostınjınırıng» JShS kombaın shyǵaratyn zaýytqa bardy. Kásiporynda VECTOR410KZ jáne ACROS astyq jınaý kombaındary, sondaı-aq ózdiginen júretin aýyl sharýashylyǵy qondyrǵylary shyǵarylady. Jyl basynan beri kásiporyn 26,4 mlrd. teńgege 440 kombaın qurastyrǵan.
Sondaı-aq, oblys ortalyǵynda Saparhan Omarov Kókshetaýda ǵana emes, elimizdiń ózge óńirlerinde óz ónimderimen tanymal «Gormolzavod» JShS-da boldy. Qazir zaýytta kásiporynnyń óndiristik qýatyn arttyratyn jańa tsehtar salynýda. Aýyl sharýashylyǵy mınıstri «Sınegore» JShS-de un óndirý, dándi jáne maıly daqyldardy saqtaý jáne qaıta óńdeý barysymen tanysty. Kásiporynda ornatylǵan ınnovatsııalyq jabdyq «dándi jáne maıly» daqyldardy bir ýaqytta qabyldaýǵa múmkindik beredi.
Sapar sońynda mınıstr «Makınsk qus fabrıkasy» JShS-da boldy. Jańa óndiris orny paıdalanýǵa berilgennen keıin qus etin óndirý jylyna 25 myń tonnaǵa deıin artady.
Qus fabrıkasyna jaqyn jerde taǵy bir ınvestor ósimdik maıyn óndiretin zaýyt salyp jatyr. «Bota-2015» JShS-niń óndiristik qýaty táýligine 600 tonnany quraıdy.
