Saparbaevtyń jastarmen kezdesýi: JOO-larda volonterlar klýbyn ashý usynyldy
«Qazaqstannyń damýyna úles qosý úshin jastar sapaly bilim men tárbıe alýy kerek. Barlyǵy sizderge baılanysty. Sizderge sport jáne mádenı nysandar qoljetimdi bolýy úshin barlyq jaǵdaı jasalady», - dedi Saparbaev.
«Jaqyn arada halyqaralyq standarttarǵa saı ýnıversıtetter ashylady. Bizdiń jastar Qazaqstanda bilim alýy kerek. Iıa, «Bolashaq» baǵdarlamasy óte jaqsy, óz jemisin berýde. Sizdiń dostaryńyz, baýyrlaryńyz, ápke-qaryndastaryńyz osy baǵdarlama arqyly shet elde bilim alyp keldi. Qazir olar memlekettik qyzmette. Biz úshin sizderdiń Qazaqstanda oqyǵandaryńyz mańyzdy», - dep tolyqtyrdy ol jastarmen kezdesýde.
Óz kezeginde QR Aqparat jáne qoǵamdyq damý vıtse-mınıstri Danııar Esın Elbasy jastar saıasatyn damytýǵa únemi nazar aýdaratyndyǵyn atap ótti.
«Búgingi tańda jastarǵa arnalǵan kóptegen memlekettik baǵdarlamalar bar. 2017 jyly Qazaqstan 183 eldiń jastaryn damytýdyń halyqaralyq reıtınginde 61-shi oryndy ıelendi. 2019 jyl Jastar jyly dep jarııalandy. Mınıstrlik, Úkimet jastardy áleýmettendirýge baǵyttalǵan 89 sharany josparlady. Búgingi kúngi eń úlken jetistik retinde Nur-Sultan, Almaty jáne Shymkent sııaqty úlken qalalarda baspana máselesiniń sheshilýin atap óter edim. Jumys isteıtin 29 jasqa deıingi jastarǵa jaldamaly baspana 5 jylǵa beriledi. Bul ýaqyt aralyǵynda olar aqshalaryn jınap, basqa memlekettik baǵdarlamalardy paıdalana alady», - dedi Danııar Esın.
Aısulý Ernııazova eriktilerdiń atynan Berdibek Saparbaevtan elimizdegi barlyq JOO-larda eriktiler úıirmesin ashý, stıpendııa jáne aqyly bólimde bilim alyp jatqan eriktilerge jeńildikter qarastyrý máselesin sheship berýdi ótindi.
«Rasynda da, QR Bilim jáne ǵylym mınıstrligi men Aqparat jáne qoǵamdyq damý mınıstrligine ár oqý ornynda osyndaı klýbtar men qaýymdastyqtar qurý qajet», - dep qorytyndylady Berdibek Saparbaev.
