Saparbaevtyń «Týǵan jerge taǵzym» aktsııasyna kóńili tolmady
AQTÓBE. QazAqparat - Aqtóbe oblysy ákimdiginde «Týǵan jerge taǵzym» aktsııasy aıasynda atqarylǵan jumystar qorytyndylandy, dep habarlaıdy QazAqparat agenttigi.
Bul shara óńir basshysy Berdibek Saparbaevtyń bastamasymen qolǵa alynǵan bolatyn. Sharanyń aıasynda 817 mln. teńgege 560 joba júzege asyrylǵan. Oǵan aımaqtaǵy kásipkerler tartylǵan. Mysaly, bıznesmenderdiń bireýleri óz qarajatyna mektepke jóndeý jasasa, ekinshileri joldardy jóndep, kópirler salyp, oqý ǵımarattarynyń materıaldyq-tehnıkalyq qoryn jańalaýǵa atsalysty. Munyń barlyǵy bıýdjetten tys qarajatqa atqarylǵan dúnıeler.
Igi sharadan óńirdegi isker áıelder de tys qalmady. Olar QR Táýelsizdiginiń 25 jyldyǵyna oraı 25 qaıyrymdylyq aktsııasyn ótkizip, 1820 muqtaj janǵa kómek kórsetti.
Degenmen, oblys ákimi Berdibek Saparbaev osy baǵyttaǵy jumystardy belsendi ete túsýdi tapsyrdy. Oblystaǵy qaıyrymdy jandardyń kómegimen budan da zor áleýmettik máselelerdi sheshýge bolatynyn aıtqan ol, osy baǵyttaǵy jumystardy ári qaraı onan ári jaqsarta túsýdi aýdandarǵa tapsyrdy.
-Ókinishke qaraı, bul aktsııada buqaralyq sıpat joq. Jobalar joq emes, alaıda olardyń kólemi shaǵyn. Al bizge iri jobalar qajet. Tirek eldi mekenderine týǵan aýylynyń damýyna úles qosyp, ózi oqyǵan mektebine barlyq qoldan kelgen kómegin kórsetetin kásipkerlerdi bekitý qajet. Buǵan qosa aktsııanyń tárbıelik máni de bar. Ár azamat týyp-ósken jerin umytpaýy tıis,-dedi Berdibek Saparbaev.
Zada Zeıin
