Saparbaev jezqazǵandyqtardyń áleýmettik máselelerin sheshý joldarymen tanysty
NUR-SULTAn. QazAqparat - QR Premer-mınıstriniń orynbasary Berdibek Saparbaev Qaraǵandy oblysyna jumys sapary barysynda Jezqazǵan qalasynda bolyp qaıtty, dep habarlaıdy QazAqparat.
Aımaq ákimi Jeńis Qasymbek vıtse-premerdi qalanyń áleýmettik-ekonomıkalyq damýy, jańa áleýmettik jáne ınfraqurylymdyq nysandardyń qurylysy týraly habardar etti.
Salynyp jatqan 900 oryndyq jańa mekteptiń qurylysyn aralaý barysynda jezqazǵandyqtar sýyq sý jáne jylýǵa qatysty máseleni sheship erýdi ótindi. Berdibek Saparbaev pen Jeńis Qasymbek bul máseleler sheshilip jatqanyn jetkizdi. «Qazaqmystyń» balansynda turǵan sý qubyry shynymen tozǵan. Qubyrlar 50 jylǵa jýyq ýaqyt boýy aýystyrylmaǵan. Qazir qala quraýshy kompanııa esebinen sýmen qamtamasyz etý máselesin sheshý nusqalary qarastyrylýda.
«Ózderińiz biletindeı, sizderdiń máselelerińiz árqashan Elbasy men Memleket basshysynyń nazarynda. Jezqazǵan ósip keledi, damyp, úlken memlekettik qoldaýǵa ıe bolyp otyr. Jańa úıler salynýda, sport kesheni, sý taratý jelileriniń, mekteptiń qurylysy júrgizilýde. Joldardy jóndeýge qarajat bólindi. Barlyq máseleler bizdiń baqylaýymyzda», - dedi vıtse-premer.
Ol sondaı-aq jezqazǵandyqtardyń qalada daryndy balalarǵa arnalǵan Nazarbaev Zııatkerlik mektebin ashý týraly usynysyn qoldady. Bul másele Úkimettiń qaraýyna beriletin bolady.
Berdibek Saparbaev bıznestiń áleýmettik jaýapkershiligi týraly eske saldy. Ol kóptegen jyldar boıy aımaqtaǵy áleýmettik máselelerdi sheshýge kómektesetin «Qazaqmys» kompanııasyn atap ótti. Kompanııa óziniń kóp balaly qyzmetkerlerine, sondaı-aq az qamtylǵan qyzmetkerler men jas mamandarǵa páter satyp alady. Bıyl 120 otbasy qonys toıyn toılaıdy. Dál osy jerde, Jezqazǵan qalasynda, 2008 jyly Tuńǵysh Prezıdent bıznestiń áleýmettik jaýapkershiligi máselesin birinshi ret kótergeni týraly sóz qozǵaldy. Kóp balaly jáne kómekke muqtaj otbasylarǵa barynsha qoldaý kórsetýde. Osylaısha áleýmettik jaýapkershilik prıntsıpin qoldaıdy.
Oblys ákimi keler jyly qala bıýdjeti taǵy 5 mlrd teńgege artatynyn aıtty. Bul qarajat áleýmettik problemalardy sheshýge jumsalatyn bolady. Jezqazǵanda kóp qabatty turǵyn úıler salý kólemin arttyrý josparlanǵan. Kelesi jyly Jezqazǵan-Qyzylorda tas jolyna jóndeý jumystary bastalady. 2021 jylǵa Jezqazǵan-Qaraǵandy jolyn qaıta jańartý josparda tur.
