Saparbaev sý tasqynynyń aldyn alý jumystarymen tanysty
AQTÓBE. QazAqparat -Aqtóbedegi iri sý qoımalaryndaǵy qar sýynyń deńgeıi ártúrli. Biri tolsa, ekinshisi 40 paıyzǵa jetpegen, dep habarlaıdy QazAqparat tilshisi oblys ákiminiń baspasóz qyzmetine silteme jasap.
Aqtóbe oblysynyń əkimi Berdibek Saparbaev jumys saparymen aýmaqty aralap, Aqtóbe jəne Qarǵaly sý qoımasyn qarap shyqty. Qaladaǵy Qarǵaly jəne Elek ózenderiniń jaǵdaıymen tanysyp, qar qoryn baǵamdady. Óńir basshysy baqylaýdy kúsheıtip, jaǵdaıdy áýeden qarady. Keıin tótenshe jaǵdaılar jəne qutqarý kezinde jaýapty memlekettik mekemeler, «Qazsýshar», «Qazgıdromet» RMK basshylary qatysqan kezekten tys komıssııa otyrysyn ótkizdi.
«Ushý sapary kórsetkendeı, búgingi kúni jaǵdaı qalypty, qar qory da azdaý. Buǵan qaramastan bizge bir sətke de bosańsýǵa jəne jumys qarqynyn tómendetýge bolmaıdy. Munymen qosa aýylsharýashylyǵyna qajetti sý qoryn jınaqtaýdy da umytpaý qajet. Jalpy alǵanda tasqynǵa qarsy jumys sharalaryn júrgizý kúndelikti baqylaýda» - dedi óńir basshysy Berdibek Saparbaev.
Aqtóbe oblystyq TJD bastyǵy Baýyrjan Syzdyqovtyń məlimetinshe, búgingi kúni Aqtóbe qalasy men oblystyń barlyq aýdandarynda 13 tasqynǵa qarsy shtab jumys isteıdi. Barlyǵy 958 qońyraý túsip, 177 myń tekshe metr sý soryldy. Sonymen qatar, 1300 tekshe metr ınertti materıal jetkizildi.
Alǵa aýdanynda tasqyn sý joldy basyp qaldy. Qazirgi kezde kezekshilik taǵaıyndalyp, ınjenerlik tehnıka qoıyldy. Jumysqa 1400 adam, 922 birlik tehnıka, 52 motopompa tartyldy. Al eldi mekennen 300 myń tekshe metr qar shyǵaryldy.
«Qazsýshar» RMK oblystyq fılıaly basshysy B.Nametovtyń aıtýynsha, búgingi kúni Aqtóbe sý qoımasynda sý kólemi 180 mıllıon tekshe metrge jetti. Sý qoımasy 74 paıyzǵa toldy. Qarǵaly sý qoımasyna 38 paıyz, Sazdy sý qoımasyna tolyqtaı sý jınaldy.
