Saparbaev: Sý tasqynyn paıdalanyp máselesin sheship alǵysy keletin adamdar bar
«Baspanasy sýda qalǵan adamdardyń bárine kómektesemiz. Qalalyq ákimdik janynan 7 komıssııa qurylyp, olar shyǵyndy anyqtaý jumysyn júrgizip jatyr. Ár otbasyny muqııat zertteýimiz kerek. Birinshiden, bári zańǵa sáıkes bolady. Ekinshiden, baspanasy sýda qalǵan adamdardyń áleýmettik jaǵdaıyna, turmysyna qaraımyz. Bári aldaǵy on kúnde sheshiledi. Jer alady, jataqhanaǵa ornalasady nemese sol úıde tura beredi. Bári muqtajdyǵyna baılanysty. Ókinishke qaraı, osy jaǵdaıdy paıdalanyp, barlyq máselesin sheship alǵysy keletin adamdar bar. Olaı bolmaıdy»,- dedi oblys ákimi Berdibek Saparbaev.
Aıta keteıik, Aqtóbedegi sý tasqyny kezinde 77 úı qırap qaldy. 2 myńǵa jýyq adam qaýipsiz jerge shyǵarylyp, jergilikti ákimdik 110 otbasyǵa 30 myń teńgeden berip, páter jaldap turýǵa kómektesti. Qarjy «Qolǵanat Aqtóbe» qorynan alyndy. Bul qorǵa 45 mıllıon teńgege jýyq qarjy jınaldy.