Saparbaev orynbasaryna: Uıyqtasań, uıyqtaıtyn jerge barasyń
AQTÓBE. QazAqparat - Aqtóbede kólik ınfraqurylymyn damytýǵa arnalǵan jıyn boldy. «Aqtóbe-Atyraý» tasjolyn salýda jergilikti qurylys materıalyn paıdalanyp, daıyndyqty kúsheıtýdi qadaǵalaǵan oblys ákimi Berdibek Saparbaev orynbasarlaryna uıyqtamaı jumys isteýdi tapsyrdy, dep habarlaıdy QazAqparat tilshisi.
Bıyl «Aqtóbe-Atyraý» tasjoly salynady. Qazirgi kezde eki iri merdiger kompanııa anyqtalyp, olar jergilikti qurylys materıalyn óndirýshilermen kelisimshartqa otyryp jatyr. Qıyrshyq tas, qum sekildi materıaldardyń bári Aqtóbeden alynady. Sonymen qatar, Baıǵanın aýdanynyń Qaraýylkeldi, Noǵaıty, Temir aýdanynyń Jaqsymaı aýylynda temirjol tuıyǵy paıdalanylady. ıAǵnı, qurylys materıaldary Shalqar aýdany, Aqtóbe qalasynan temirjol arqyly tasymaldanady.
«Alda úlken jumys kútip jatyr. Biz ben siz bar bolǵany 2 aıdyń ishinde barlyq qurylys materıalyn daıyndap úlgerýimiz kerek. Sáýirde qurylys bastalady. Jol salýshylar qysta barlyq materıaldy jınap, tehnıkany túgendeý kerek. Al ýaqyty kelgende bárin kedergisiz bastaǵan jón. Bizde jol salýshylar jetispeıdi. Al memlekettik satyp alý kesh ótkiziledi. Sondyqtan merdiger kompanııalar óz qarjysymen jumysty bastap ketkeni jón. Biz sizderdi esh ýaqytta aldamaımyz, qarjy bólinedi»,- dedi Aqtóbe oblysynyń ákimi Berdibek Saparbaev.
Buǵan deıin habarlaǵanymyzdaı, «Aqtóbe-Atyraý» jolyn salýǵa Azııa damý bankinen qarjy aýdarylady. Eki iri merdiger kompanııa anyqtalyp, Ázerbaıjan men Italııa kompanııalary jeńimpaz atandy. Jol qurylysy kezinde 780 myń tonna qıyrshyq tas qajet bolady. Qazirgi kezde tas untaqtaý quraldary ken oryndaryna qurylyp, jumys bastaldy. Іri qurylys jumysy bastalǵan kezde qıyndyqtar týyndap otyr. Aqtóbe oblystyq jolaýshylar kóligi jáne avtomobıl joldary basqarmasynyń basshysy Aıazbaı Osmanǵalıevtiń aıtýynsha, óńirde qıyrshyq tas baǵasy qymbattap ketken.
«Ken bar, baıaǵy jumys atqarylyp jatyr. Nege baǵa kóterildi? Baǵany retteıtin arnaıy departamentke tapsyrma berip, qıyrshyq tas baǵasyn tekserýdi tapsyramyn. Al Aqtóbede shyǵarylatyn qıyrshyq tas aldymen jergilikti qajettilikti óteýi tıis»,- dedi B.Saparbaev.
Jıyn kezinde óńir basshysy óz orynbasary Serik Tólenbergenovtiń jumysyn synady. Halyqaralyq áýejaıy bar Aqtóbede shetelge ushatyn eki ǵana áýe reısi bar.
«Jumys kóp, al sen otyrsyń «uıyqtap». Ázirge eshteńe jasap jatqan joqsyń. Uıyqtasań, uıyqtaıtyn jerge barasyń», - dedi óńir basshysy.
