Saparbaev memlekettik grantqa ilikpegen úzdik túlekterdiń tegin bilim alýyna kómektespek
AQTÓBE. QazAqparat - Keler oqý jyly UBT tapsyryp, memlekettik grantqa ilige almaı qalǵan úzdik túlekter oblys ákiminiń grantyn ala alady. Bul týraly óńir basshysy Berdibek Saparbaev mektep oqýshylarymen kezdesýinde aıtyp, ýáde berdi, dep habarlaıdy QazAqparat tilshisi.
Memlekettik grantqa qol jetkize almaǵan túlekterge taǵy bir múmkindik beriledi. Halyqaralyq, respýblıkalyq olımpıadalar men jarystardyń jeńimpazy atanǵan aqtóbelik túlekter oblys ákiminiń grantyn ala alady.
«Memleket basshysy bilim berýdi damytý men óskeleń urpaqtyń tárbıesine erekshe mán beredi. Elimizde balalar men jasóspirimderdiń jan-jaqty damýy úshin barlyq jaǵdaı jasalǵan. Sizderdiń mindetterińiz - jaqsy bilim alý úshin berilip otyrǵan múmkindikterdi tıimdi paıdalaný», - dedi Berdibek Saparbaev.
Al aqtóbelik daryndy oqýshylar jyl boıy lagerde tynyǵa alady. Demalys orny bıyl ónerde, sportta, bilimde úzdik atanǵan 3 myńnan astam oqýshyny qabyldaıdy. Memlekettik-jeke seriktestik aıasynda «Aqtóbe-Shyǵys» lageri demalý, saýyqtyrý jumystarymen qatar, balalardyń bilimin jetildirýge jaǵdaı jasamaq. Lagerdiń bir aýysymy 12 kúnnen turady.
