Saparbaev Kókshetaýda ótken azyq-túlik jármeńkesin aralap kórdi
KÓKShETAÝ. QazAqparat - Aqmola oblysyna jumys saparymen kelgen QR Premer-mınıstriniń orynbasary Berdibek Saparbaev Kókshetaý qalasynda ótken aýyl sharýashylyǵy taýarlaryn óndirýshilerdiń azyq-túlik jármeńkesin aralap kórdi, dep habarlaıdy QazAqparat tilshisi.
Táýelsizdik alańynda uıymdastyrylǵan jármeńkege Astrahan, Arshaly, Bulandy, Birjan sal, Esil, Jaqsy, Qorǵaljyn, Sandyqtaý aýdandarynyń aýyl sharýashylyǵy taýarlaryn óndirýshileri men Kókshetaý qalasynyń óńdeýshi kásiporyndary 90,7 mıllıon teńgeniń 97 tonna azyq-túlik ónimin alyp kelipti.
Onyń ishinde 43 tonna et jáne et ónimder, 4,5 tonna balyq, 152 myń dana jumyrtqa, 7,5 tonna sút jáne sút ónimderi, 16 tonna un, 20 tonna kartop pen kókónis naryq baǵasynan 10-15 paıyzǵa arzan satyldy.
Jármeńkeni aralap kórgen vıtse-premer onyń uıymdastyrylýy men azyq-túlik baǵasyna nazar aýdaryp, turǵyndardan hal-jaǵdaıyn surap bildi.
Eske sala keteıik, búgin QR Premer-mınıstriniń orynbasary Berdibek Saparbaev bastaǵan Úkimettiń jumys toby Aqmola oblysynyń Zerendi aýdany jáne Kókshetaý qalasynda bolyp, Memleket basshysynyń Joldaýynda alǵa qoıylǵan mindetterdi júzege asyrý barysy týraly túsindirý jumystaryn júrgizdi.
