Saparbaev: Eshkim basymen oılaǵysy kelmeıdi
AQTÓBE. QazAqparat - Aýyl men qalada turǵyzylatyn bilim, mádenıet, densaýlyq saqtaý nysandarynyń ǵımaraty aýla ishindegi saraı sııaqty. Esh ıdeıa joq, jobalaýshylardyń biliktiligi jetpeıdi.
Búgin oblys ákimi Berdibek Saparbaev mektep, ambýlatorııa, klýb qurylysy kezinde eski ádisten aryla almaǵan oblystyq qurylys jáne sáýlet basqarmasyn synǵa aldy, dep habarlaıdy QazAqparat tilshisi.
Búgin Aqtóbe oblystyq qurylys jáne sáýlet basqarmasy bilim, densaýlyq saqtaý, mádenıet, sport nysandarynyń qurylysymen tanystyrdy. Bári biryńǵaı. Kóbi qyzyl, sary túspen boıalǵan. Jobalaý jumystary eski ádispen jasalǵanyn kórgen oblys ákimi Berdibek Saparbaev qurylysshylar men jobalaýshylardy ıdeıasy az ekenin aıtyp, oı jetpese ınternetten qaraýdy usyndy.
«Medıtsınalyq ambýlatorııanyń syrt kelbetin qara. Taǵy úsh mıllıon qosyp, jaqsy nysan salýǵa bolady. Mynaý ne, aýyldaǵy saraı sııaqty birdeńe. Bireýi qoıma sııaqty. Máselen, Eset batyr atyndaǵy sportta daryndy balalarǵa arnalǵan spor kesheniniń qurylysy 370 mıllıon teńgeden asady. Durystap jasaýǵa bolady ǵoı. Uıalmaısyńdar ma, búkil oblysqa kórsetýge. Menińshe, kolhozda munan jaqsy jasaı alady. Aqylyń men fantazııań joq pa? Osydan 20-30 jyl buryn saldy, mundaı nysandardy. Sen olardy jalǵastyryp otyrsyń. Sender qurylysshysyńdar, adamdar kez kelgen nysandy ataýynsyz tanýy tıis. Solaı jasaý kerek. Mádenıet úıi ónerge, mektep, balabaqsha balalarǵa qyzyqty etip salynýy kerek. Eshkim basymen oılaǵysy kelmeıdi. Qandaı adamsyńdar?»,- dedi oblys ákimi Berdibek Saparbaev.
Jobalardy tanystyrý kezinde qala ákimi Іlııas Ispanov Astanada qorǵap, núktesi qoıylǵan qalanyń bas josparyndaǵy aýdan aty da Berdibek Saparbaevqa unamaı qaldy. Qazirgi Batys-2 aýdanyn «Aqtóbe Sıtı» dep atap, úshinshi yqshamaýdandy salýy tıis bılik oıyn kúrt ózgertti. Sonymen, Batys-3 aýdany 100 myń adamǵa shaqtalady. Jyl saıyn 33 mıllıard teńge salynyp, Ulttyq qordan 19 mıllıard teńgege jýyq qarjy bólinedi degen jospar bar. Respýblıkalyq bıýdjetten 5, jergilikti qazynadan 9,5 mıllıard teńge ıgerilýi múmkin. Sóıtip, qalanyń ortalyǵyna, ákimshilik aýdanǵa aınalýy tıis. 
