Saparbaev Elbasynyń maqtaýy týraly: Meni jigerlendiredi

NUR-SULTAN. QazAqparat – Nur Otan partııasy Saıası keńesi bıýrosynyń otyrysynda Elbasydan maqtaý estigen QR Premer-Mınıstriniń orynbasary Berdibek Saparbaev ózine aıtylǵan sózge qatysty pikir bildirdi, dep habarlaıdy QazAqparat tilshisi.

«Álbette, kez kelgen adam úshin bul jaǵymdy. Bul sóz odan ary jaqsy jumys júrgizý úshin meni jigerlendiredi», - dedi Berdibek Saparbaev Úkimettiń baspasóz ortalyǵyndaǵy brıfıngten keıin tilshilerdiń suraǵyna jaýap bere otyryp.

Sonymen birge, Úkimet basshysynyń orynbasary burynǵysha halyq úshin ashyq bolatynyn jetkizdi.

«Men jańa laýazymdy bar bolǵany úshinshi kún jumystamyn. Búgin sizdermen kezdesip otyrmyn – ashyq ekenimniń dáleli osy bolar. Buryn da sondaı bolǵam. Aldaǵy ýaqytta ózgermeımin. BAQ ókilderimen de árdaıym kezdesip turamyn», - dedi ol.

Eske sala ketsek, jaqynda ǵana Berdibek Saparbaev QR Premer-Mınıstriniń orynbasary laýazymyna taǵaıyndalǵan bolatyn.