Saparbaev BUU Damý baǵdarlamasyna Shalqar kólin tazartý jobasyn usyndy
AQTÓBE. QazAqparat - Aqtóbe oblysynyń ákimi Berdibek Saparbaev BUU Damý Baǵdarlamasynyń Qazaqstandaǵy turaqty ókili Norımas Shımomýrýmen kezdesti. Kezdesý kezinde Qarǵaly sý qoımasyn jańǵyrtý, Shalqar kólin qutqarý, aýyl sharýashylyǵyndaǵy jasyl tehnologııany damytý jobalary usynyldy, dep habarlaıdy QazAqparat tilshisi.
BUU Damý baǵdarlamasy Aqtóbe úshin mańyzdy jobalardy qolǵa alyp, iske asyrdy. Máselen, 2016 jyldyń naýryz aıynda Berdibek Saparbaev pen Norımas Shımomýra kezdesýinen soń Aqtóbe sý qoımasyn jańǵyrtý úshin 147,4 mıllıon teńge bólindi. Іri tabıǵı apat bolǵan jaǵdaıda turǵyndardy der kezinde habarlaýǵa múmkindik beretin qurylǵy qondyrylyp, eskertý júıesi ornatyldy.
«2018 jyl Qazaqstan men BUU DB úshin aıtýly jyl bolyp tur. Óıtkeni BUU Damý Baǵdarlamasynyń Qazaqstandaǵy qyzmetiniń bastalǵanyna 25 jyl tolady. Osy ýaqyttyń ishinde uıym elimizde, atap aıtqanda Aqtóbe oblysynda kóp jumys atqardy. Biz yntymaqtastyqty ári qaraı damytýǵa, jańa jobalardy júzege asyrýǵa múddelimiz», - dedi oblys ákimi Berdibek Saparbaev.
Kezdesý kezinde óńir basshysy Qarǵaly sý qoımasyn rekonstrýktsııalaý, Shalqar kólin qutqarý, aýyl sharýashylyǵyndaǵy jasyl tehnologııany damytý jobalaryn júzege asyrýdy jalǵastyrýdy usyndy. Oblys ákiminiń baspasóz qyzmetiniń habarlaýynsha, óńir basshysy Norımas Shımomýrýdy 1 maýsymda ótetin balalardyń halyqaralyq festıvaline qatysýǵa shaqyrdy.
«Jobalar qyzyqty ári nazar aýdarýǵa turarlyq. BUU Damý baǵdarlamasynyń olarǵa qalaı qatysa alatyny týraly oılanýymyz kerek. Al 1 maýsymdaǵy merekelik sharaǵa qatysamyn. Kúni buryn bul kúndi belgilep, josparlap qoıdym», - dedi BUU DB turaqty ókili.
