Saparbaev Azııa chempıony Nurıslam Sanaevqa páter kiltin tabys etti
AQTÓBE. QazAqparat - Aqtóbede erkin jáne áıelder kúresinen Qazaqstan chempıonaty ótip jatyr. Jarystyń ashylýyna qatysqan oblys ákimi Berdibek Saparbaev balýan Nurıslam Sanaevqa páter kiltin tabys etti, dep habarlaıdy QazAqparat tilshisi.
Aqtóbe qalasyndaǵy Jekpe-jek saraıynda erkin jáne áıelder kúresinen 1998 - 2000 jyly týǵan jastar arasyndaǵy Qazaqstan chempıonaty ótip jatyr. Sportshylardy quttyqtap, Naýryz merekesine oraı tilegin aıtqan óńir basshysy Berdibek Saparbaev kóptiń aldynda el namysyn qorǵaǵan Nurıslam Sanaevqa syı jasady. Bishkek qalasynda ótken erkin kúresten Azııa chempıonatynyń chempıony Nurıslam Sanaevqa 2 bólmeli páterdiń kiltin jáne 1 mıllıon teńge syıaqy tabystady. Al, Nurıslamdy jarys jolyna daıyndaǵan jattyqtyrýshysy Baýyrjan Nurmahanovqa 300 myń teńge, grek-rım kúresinen Azııa chempıonatynyń qola júldegeri atanǵan Meırambek Aınaǵulovqa 300 myń teńge jáne jattyqtyrýshysy Raqymjan Baqytjanovqa 200 myń teńge syıaqy berdi.
«Memleket basshysy Nursultan Nazarbaevtyń tapsyrmasyna sáıkes árýaqytta sportty, kúresti qoldaımyz. Óńirde Jekpe-jek saraıy salyndy. Bul da Elbasy tapsyrmasynyń oryndalǵany dep bilemiz. Jańa sport saraıy kúrestiń damýyna septigin tıgizedi. Sport qoldaý tapsa, sportshylar shyńdalyp, Qazaqstannyń abyroıyn kóteredi»,- dedi oblys ákimi Berdibek Saparbaev.
Jarysqa erkin kúresten Olımpıada oıyndarynyń chempıony (Afına 2004j), bes dúrkin álem chempıony, úsh márte Eýropa chempıony, Qazaqstan erkin kúres akademııasynyń basshysy jáne bas jattyqtyrýshysy Hadjımýrat Gatsalov qatysty.
«Sportshylar Olımpıada, álem chempıondarynyń bári qarapaıym adam ekenin umytpaý kerek. Ózińe senip, tynbaı eńbek etseń, alynbaıtyn qamal joq. Ári báriniń chempıony bolýy múmkin emes. Al jattyǵý kezinde alǵan tálim, daıyndyq ómirde qajet bolady. Kúres úshin barlyq jaǵdaıdy jasaǵan óńir basshylyǵyna alǵysymyzdy aıtamyz. Jas balýandardyń óz tegin, el atyn shyǵarýǵa múmkindik jasalǵan»,- dedi ol.
Aqtóbede ótip jatqan jarysqa elimizdiń barlyq aımaǵynan 300-ge jýyq balýan qatysyp jatyr. 23-24 naýryz kúnderi chempıonattyń fınaldyq oıyndary ótkiziledi.
