Saparbaev avtobýs órtinen aman qalǵandardyń jaǵdaıymen tanysty
AQTÓBE. QazAqparat - Aqtóbe oblysynyń ákimi Berdibek Saparbaev avtobýstaǵy órt kezinde aman qalǵan 5 adammen kezdesti. Óńir basshysy aýrýhanaǵa baryp, olardyń hal-jaǵdaıyn bildi, dep habarlaıdy QazAqparat tilshisi.
Aqtóbe oblysynyń ákimi Berdibek Saparbaev eńbek demalysynan shyǵyp, avtobýstaǵy órtten aman qalǵan adamdarmen tanysty. Sonymen qatar, onyń janynda Іshki ister departamentiniń bastyǵy Mahambet Abısatov bar.
«Tekserý júrip jatyr. Komıssııa quryldy»,- dep aıtty óńir basshysy Berdibek Saparbaev. Keıin ár naýqastyń jaǵdaıyn bildi.
Aqtóbe oblystyq jedel járdem aýrýhanasynyń bas dárigeri Raqymjan Arystannyń aıtýynsha, olardyń qoly men betin kúıik shalyp, gazǵa tunshyǵyp qalǵan.
Aıta keteıik, avtobýstaǵy órtten soń polıtsııa tergeýdi bastap, aman qalǵan adamdardan jaýap alyp jatyr.
Foto : www.instagram.com/aktobe_akparat
