Saparbaev aýyldar arasyndaǵy ótkizý beketiniń úzdiksiz jumysy isteýin usyndy
AQTÓBE. QazAqparat - Qazaqstan-Reseı arasyndaǵy úkimetaralyq komıssııa otyrysy kezinde Aqtóbe oblysynyń ákimi Berdibek Saparbaev ótkizý beketiniń jumysy týraly usynys aıtty, dep habarlaıdy QazAqparat tilshisi.
Aqtóbede ótken úkimetaralyq komıssııanyń otyrysy kezinde óńir basshysy Berdibek Saparbaev qarapaıym halyqtyń máselesin qozǵady. Sebebi, Aqtóbe oblysy Qobda aýdany men Reseıdiń Orynbor oblysy arasyndaǵy ótkizý beketi aptasyna úsh kún ǵana jumys isteıdi. Bul týǵan-týys, aǵaıyn úshin qıyndyq týdyryp tur.
«Aqtóbeniń Jırenqopa aýyly men Reseıdiń Pervomaıskıı aýyly arasynda ótkizý beketi bar. Ókinishtisi, beket aptasyna úsh táýlik jumys isteıdi. Biz bul ótkizý beketin úzdiksiz jumys rejımine kóshirýdi usynamyz. Sol kezde tek Qazaqstannyń basqa oblys, aýdandary ǵana emes, ózge eldiń adamdary da osy jol arqyly óte alady», - dedi Aqtóbe oblysynyń ákimi Berdibek Saparbaev.
Qazaqstan-Reseı arasyndaǵy yntymaqtastyq jónindegi úkimetaralyq komıssııa otyrysy kezinde birqatar kelisimder jasaldy. Buǵan deıin habarlaǵanymyzdaı, Reseı temirjoldy jańǵyrtý, tranzıttik baılanysty jandardyrý úshin Aqtóbede shyǵarylatyn relsterdi satyp alady.
