Saparbaev áleýmettik jelidegi bóten adamdarǵa esik ashpaý týraly aqparatty joqqa shyǵardy
AQTÓBE. QazAqparat - Berdibek Saparbaev halyqty tirkeý qujattaryn tekserýge kelgenderdi úıge kirgizbeý týraly eshqandaı tapsyrma bermegen.
Osyǵan oraı, Aqtóbe oblysy ákimdiginiń baspasóz qyzmeti WhatsApp jáne ózge de áleýmettik jeliler arqyly taraǵan aqparattar shyndyqqa janaspaıtynyn málimdedi, dep habarlaıdy QazAqparat tilshisi.
«Oblystyq ákimdik tarapynan mundaı aqparat taratylǵan joq. Kóshi-qon polıtsııasy basqarmasy úı aralap tirkeýdi tekserý sekildi arnaıy sharalar ótkizilmeıtindigin túsindirdi», dep jazylǵan baspasóz qyzmeti taratqan aqparatta.
Aıta keterligi, oblys basshysy Berdibek Saparbaevtyń tapsyrmasymen tirkeý jumystaryna 40 volonter tartylǵan. Olar HQKO-ta turǵyndarǵa qujattardy toltyrýǵa kómektesedi. Odan bólek, tólemaqy qabyldaıtyn eseptik-kassa bólimderinde otyratyn qyzmetkerler sany da kóbeıtildi. Bul óz kezeginde tirkeýdi jyldam júrgizýge septigin tıgizip otyr.
Zada Zeıin
