Saparbaev: Aqtóbelikter bir-birine kómektesýi kerek
Aqtóbedegi sý tasqyny kezinde úıi qırap qalǵan adamdardyń bir tobyna jer telimi berildi. Qazir Aqtóbe qalasy aýmaǵyndaǵy Órleý, Qyzyljar, Sazdy, Qýraıly aýyldarynda qurylys jumystary bastaldy. Qurylys materıaldary úshin olarǵa «Qolqanat Aqtóbe» qorynan 1 mıllıon teńgeden qarjy bólingen. Úı salý jumystarymen tanysqan oblys ákimi Berdibek Saparbaev qurylys basyna iri kásiporyn basshylaryn jınap, kómekti kúsheıtýdi tapsyrdy. Sebebi, «Mańǵystaýmunaýgaz» kompanııasy 56 mıllıon teńge bólgen kezde óńirdegi munaı men gazdyń basym bóligin óndirip otyrǵan qytaılyq «SNPS-Aqtóbemunaıgaz» kompanııasy bar bolǵany 5-6 mıllıon teńge aýdarǵan. Ol da jumysshylardyń jalaqysynan bólingen aqsha.
«Sý tasqyny kezinde zardap shekken otbasylarǵa iri kásiporyndar kómektesýi kerek. Ókinishke qaraı kóbi kómektespeıdi. Baspanasyz qalǵan otbasylardyń basym bóligi kópbalaly, áleýmettik jaǵynan az qamtylǵan, múgedek jandar. Alǵash kezde Mańǵystaý munaıshylary kómektesti, Taraz ýnıversıteti 4 mıllıon teńge aýdardy. «Qolqanat Aqtóbe» qoryna barlyǵy 144 mıllıon teńge tústi. Biz bárine kómektesemiz. Keıbir otbasylar umyt qalýy múmkin, biraq eshqaısysyn eskerýsiz qaldyrmaýymyz kerek. Barlyq basshylar oılanyp, jaýabyn aıtady. Aqtóbelikter bir-birine kómektespese, basqalardan ne suraımyz? Basqa óńirdiń kásiporyndary aldynda uıat bolmasyn», - dedi oblys ákimi Berdibek Saparbaev. Óńirdegi iri kompanııalardyń qarjylyq jaǵdaıyn jaqsy biletin oblys ákim oń nátıje shyǵarýdy tapsyrdy. ıAǵnı, iri óndiris oryndary bir kúndik jalaqyny aýdarýmen shektelmeı, qurylys kezinde kómek kórsetýi tıis.
Aıta keteıik, Aqtóbedegi sý tasqyny kezinde barlyǵy 918 úıge sý basty. 95 úı jaramyz bolyp qaldy. Qazir 80 adamǵa jer telimi berilip, qurylys bastaldy. 15 adamǵa úı berildi.
«Aýdannyń árqaısysy bir otbasyǵa páter alyp beredi. Jumys bastaldy. Muǵaljar, Temir aýdandary úı satyp alyp berdi», - dedi B.Saparbaev.