Saparbaev Aqtóbedegi «Táýelsizdik monýmentiniń» kóshirmesine qatysty pikir bildirdi
AQTÓBE. QazAqparat - Aqtóbedegi «Táýelsizdik monýmenti» kóshiriledi. Al qalanyń bas dańǵylynda júrginshiler joly paıda bolady, dep habarlaıdy QazAqparat tilshisi.
Aqtóbedegi «Táýelsizdik monýmenti» eskertkishiniń kóshirmesi týraly daý sotqa jetip, qalalyq ákimdik kásipkermen aradaǵy qarym-qatynasty zańdy jolmen sheshti. Sot Aqtóbe qalasyndaǵy Ábilqaıyr han dańǵyly boıyndaǵy balalardyń oıyn alańy men eskertkishti, shaǵyn zoobaqty alyp tastaýǵa sheshim shyǵardy. Bul jerde júrginshiler jolyn salý jobasy da daıyndalǵa n.
Halyq arasynda túrli pikir týdyrǵan balalardyń oıyn alańy qazir tegin qyzmet kórsetip jatyr. Kez kelgen bala tańerteńnen keshke deıin alańsyz oınap júre alady.
Alaıda ákimdik «Táýelsizdik monýmenti» eskertkishin kóshirý týraly oıǵa bekingen. Aqtóbe oblysynyń ákimi Berdibek Saparbaev kásipkermen arada kelisim bar ekenin aıtyp berdi.
«Meshittiń bári Qazaqstan musylmandary dinı basqarmasynda tirkelýi kerek. «Nurdáýlet» meshiti bıyl ǵana tirkeýge alyndy. Ekinshi suraq, zoobaqqa qatysty boldy. Qalanyń ortasynda zoobaq turǵanyn qaıdan kórdińizder? Kishkentaı ǵana jer. Bul durys emes. Kerik ólip qaldy. Kelesi suraq - «Táýelsizdik monýmenti» eskertkishiniń kóshirmesi. Ár adam óz aýlasynda elimizdiń sımvolyn ornatsa ne bolady? «Nurdáýlet» saýda úıiniń ıesine «basqa jerge kóshireıik» dep aıttym. Biz bul kóshege júrginshiler jolyn salǵymyz keledi. Jol oblys ákimdiginen bastalyp, qonaq úıge deıin barady. Qurylysty bastaımyz. Sol jerdiń bári osy júrginshiler jolyna dál túsip tur. «Eshqandaı suraq joq,men sizdi túsindim, kelisemin» dep aıtty kásipker»,- dep óz oıyn bildirdi Aqtóbe oblysynyń ákimi Berdibek Saparbaev. 
