Saparbaev: 2018 jyl - Aqtóbe úshin ekonomıkalyq serpilis jyly
AQTÓBE. QazAqparat - Aqtóbe oblysynyń ákimi Berdibek Saparbaev halyqqa esep berý kezinde bıyl ekonomıkalyq serpilis jyly bolatynyn jetkizdi, dep habarlaıdy QazAqparat tilshisi.
Aqtóbe oblysynyń ákimi Berdibek Saparbaev búgin Óner ortalyǵynda esep berip jatyr. Ótken jyly óńirde ekonomıkalyq ósim 105 paıyzdy qurady. Ekonomıkaǵa 437 mıllıard teńge ınvestıtsııa keldi. Ótken jyly 793 myń sharshy metr turǵyn úı berildi. ıAǵnı, 6800 aqtóbelik jańa qonysqa ıe boldy.
«2018 jyl Aqtóbe úshin ekonomıkalyq serpilis jyly bolady. Bıyl bes baǵytta damýymyz kerek. Halyq úshin áleýmettik baǵdar, ómir súrý sapasyn jaqsartý, azyq-túlik qaýipsizdigi, ındýstrııalyq damý, kedergisiz bıznes mańyzdy», - deıdi ákim.
Ol, sondaı-aq, Memleket basshysy Nursultan Nazarbaevtyń bergen tapsyrmasyna oraı adamı kapıtalmen jumys isteıtinin aıtty.
«Qazirgi kezde balabaqshamen qamtamasyz etý kórsetkishi 95,6 paıyz. Bıyl 6 myńǵa jýyq bala balabaqshamen qamtamasyz etiledi. Sóıtip kórsetkish 98 paıyzǵa jetýi tıis. Mektep qurylysynda serpilis bar. Ótken jyly 13 jańa mektep iske qosyldy. Qazirgi kezde 26 mekteptiń qurylys júrip jatyr. Aqtóbede qalasy boıynsha 600, 900, 1200 oryndy mektepter salamyz. Elbasynyń apatty, úsh aýysymdy mektepterdi joıý tapsyrmasy 2020 jyly oryndalady. Bilim salasyn aqparattandyrý júrip jatyr. Balanyń sabaqqa kelip, ketýi, kúndeliktiń bári elektrondy boldy»,- dedi Aqtóbe oblysynyń ákimi Berdibek Saparbaev.
Aıta keteıik, adamı kapıtaldy damytý maqsatynda «Baqytty bala» jobasy iske asyrylyp jatyr. Buǵan deıin habarlaǵanymyzdaı, Aqtóbede TMD elderinde joq lager ashylady. Onda múgedek jáne on eki múshesi saý bala tynyǵady. 
