Sapaly josparlaý standarty: Atyraý qalasyn damytý tujyrymdamasy qalaı iske asady
ATYRAÝ. QazAqparat – Sapaly josparlaý standarty aıasynda Atyraý qalasyn damytý tujyrymdamasy qalaı iske asatyny belgili boldy, dep habarlaıdy QazAqparat.
Buǵan deıin Indýstrııa jáne ınfraqurylymdyq damý mınıstri Qaıyrbek Óskenbaev Ortalyq kommýnıkatsııalar qyzmetinde ótken dóńgelek ústelde elimizdegi qalalar aýmaǵyn sapaly josparlaý standarttary jobasyn usynǵan edi.
Mınıstrdiń málimetinshe, Atyraý oblysy boıynsha ınfraqurylymnyń, turǵyn úılerdiń jaǵdaıy, aýlalar men qoǵamdyq keńistikterdi abattandyrý máseleleri qamtylǵan.
«Atyraý qalasyn damytý tujyrymdamasynda qurylysty damytý, 10 negizgi jáne 6 shaǵyn kóshelerdi renovatsııalaý, negizgi baǵyttardaǵy 150-den astam ǵımarattyń qasbetin rekonstrýktsııalaý jobasy bar. Sondaı-aq, 10 saıabaq pen skverdi rekonstrýktsııalaý máselesine nazar aýdarylatyn bolady», - dedi mınıstr.
