Sapaly jol qurylysy 100 naqty qadamnyń júzege asýyna septigin tıgizbek - Investıtsııalar jáne damý mınıstri

ALMATY. QazAqparat - Búgin QR Investıtsııalar jáne damý mınıstri Áset Isekeshov Almatyǵa issaparmen keldi. Sapar barysynda mınıstr Almaty-Qapshaǵaı jol bóliginiń qurylysymen tanysty.

Qurylys barysyn baqylaı kele mınıstr sapaly jol qurylysy 100 naqty qadamnyń júzege asýyna septigin tıgizetindigin jetkizdi.

Onyń aıtýynsha, sapasy joǵary joldardan el ekonomıkasyna túsetin paıda shash-etekten.

«Mundaı joldar týrızm men saýdanyń damýyna septigin tıgizedi. Almaty-Qapshaǵaı, árıne tıimdiligin kórsetedi. Biraq onymen shektelip qalýǵa bolmaıdy. Elbasy 100 naqty qadamynda kórsetkendeı, biz «Batys Eýropa - Batys Qytaı» kólik dáliziniń bir bóligi bolýymyz kerek. Bul Almaty oblysynyń týrızm men taǵam ónerkásibimen qatar logıstıkalyq bolashaǵy. Bul Almaty men Almaty oblysynyń úlken kóliktik toraby bolmaq», - dedi mınıstr.

Áset Isekeshev Almaty mańynda áýe habyn qurý 100 naqty qadamda basymdyq berilgen baǵyttardyń biri ekendigin de atap ótti.

«Qazir soǵan baılanysty birneshe jobalar talqylanyp jatyr. Sonyń negizinde tujyrymdama jasalady. Almaty áýejaıyn tek qana áýejaı ǵana emes, júkter men jolaýshylardyń mol toǵysqan halyqaralyq áýe habyna aınaldyrý kerek», - dedi mınıstr.

Aıta keteıik, Almaty -Qapshaǵaı tas joly 2016 jyldyń aıaǵynda paıdalanýǵa beriledi. Qurylys jumystary úsh bólikte júrgizilip jatyr. Bolashaqta tas joldyń 63 shaqyrymdyq aýmaǵy 6 jolaqty bolyp salynyp jatyr. Qalǵan 41 shaqyrym jol 4 jolaqty bolady. Jol tsementbeton tósemimen 1 tehnıkalyq dərejede salynyp jatyr.