Sapaly vaktsınamen aýsyldy 5 jyl ishinde aýyzdyqtaýǵa bolady - A. Mamytbekov
ASTANA. 17 qyrkúıek. QazAqparat -Sapaly vaktstsınamen aýsyldy 5 jyl ishinde aýyzdyqtaýǵa bolady. Bul týraly búgin Parlament Májilisinde ótken Úkimet saǵatynda Aýyl sharýashylyǵy mınıstri Asyljan Mamytbekov málim etti.
Mınıstrdiń aıtýynsha, búgingi kúni elimizdiń búkil ońtstigindegi tórt oblys: Qyzylorda, Ońtústik Qazaqstan, Jambyl jáne Almaty oblystary maldyń aýsyl aýrýyna baılanysty býferlik aımaq retinde jarııalanǵan. «Bul óńirlerden eksportty aıtpaǵanda basqa aımaqtarǵa eshqandaı da mal ónimderi shyǵarylmaıdy. Birneshe myńdaǵan shaqyrym aýmaq aýsylǵa qatysty tolyq vaktsınatsııadan ótýde. Biz aldaǵy ýaqytta osy býferlik aımaqty tarylta túsetin bolamyz», - deıdi A. Mamytbekov.
Bul rette mınıstr aýsyl aýrýymen kúres týraly aıta kele, oǵan qarsy egiletin dáriler sapasyna da toqtalyp ótti. Onyń aıtýynsha, halyqaralyq standartty óndiristerge septesken sapaly dáriler egilse, bul aýsylmen kúrestiń sapasyn da arttyratyn edi. «Halyqaralyq uıymdardyń qorytyndysyna sáıkes sapaly vaktsınamen jumys jasasaq, biz bes jyldyń ishinde-aq aýsyl máselesin sheship tastar edik. Alaıda, jıyrma jyl boıy biz osy asa qaýipti aýsyl aýrýyn elimizdiń ár tusynda órshitip otyrmyz», deıdi mınıstr.
