Sapaly taýar úshin shyǵynnyń jartysy óteledi - NADLoC
ASTANA. QazAqparat - Qazaqstandyq taýar óndirýshilerge ónim men qyzmettiń sapasyn dáleldep bergeni úshin 90 mıllıon teńgeniń shyǵynyn ótep beredi, dep xabarlaıdy QazAqparat tilshisi.
«NADLoC» jergilikti qamtýdy damytý jónindegi ulttyq agenttiginde vedomstvoaralyq komıssııanyń otyrysy ótti. Ol jerde ındýstrıaldyq-ınnovatsııalyq qyzmet salasyndaǵy 50 sýbektiniń 91 mln. 595 myń teńge shyǵynyn óteý týraly sheshim shyǵaryldy", - delingen agenttiktiń resmı xabarlamasynda.
Qazirgi erejelerge sáıkes, taýardyń sapasyn xalyqaralyq standarttarǵa saı ekenin dáleldegen kásipkerler atalǵan qoldaý sharalaryna ıe bola alady.
Aıta keter jaıt, shyǵyndardyń 50 paıyzyn óteý úshin tıisti qujattardy usyný qajet. Alaıda ol soma 3 myń AEK-ten aspaýy shart.
