Sapaly bilim elıtalyq orta qalyptastyrady – Shynar Saǵynǵalıeva
Onyń aıtýynsha, mektep-lıtseı ótken jyly Zachagan kentindegi jańadan salynǵan 900 oryndyq eńseli ǵımaratqa kóshti.
-Biz ótken oqý jylyn 316 oqýshymen bastasaq, qazirgi kezde mektepke kelýshiler sany áldeqaıda artty. Jańa oqý jylynda 1940 shákirt eki aýysymda bilim alatyn bolady. Sonyń ishinde bastaýysh synyptarda oqıtyndar sany 934-ke jetti. Sondaı-aq 187 bala mektepaldy daıarlyq tobyna barady. Bilim kúni birinshi synyp oqýshylaryna saltanatty túrde «Álippe» oqýlyǵy tabys etiledi. Al basqa synyptarda «Táýelsizdik jetistikteri» atty tárbıe saǵattary ótedi. Saıyp kelgende, bizdiń osyndaı ishi-syrty
birdeı kelisken, keń de barlyq jaǵdaıy jasalǵan bilim shańyraǵynda oqýymyzdyń ózi – ata-babalarymyz ańsap ótken táýelsizdigimizdiń arqasy. Jalpy, mektep ǵımaratynda 49 oqý kabıneti bar. Sondaı-aq smart kabınet, robot tehnıkasy, óner kabıneti shákirtter úshin daıyn. 14 kabınet LED ınteraktıvti taqtamen, 14 kabınet ınteraktıvti taqtamen jabdyqtalǵan, barlyq kabınetter ınternetke qosylǵan. Bıologııa, fızıka jáne hımııa kabınetterinde sandyq laboratorııalarmen jasaqtalǵan. 20 oryndyq oqý zalymen kitaphana, 2 sheberhana, 158 oryndyq kórermen zaly, 260 oryndyq ashana, gımnastıka, sport zaldary da bar.
-Shynar Oktıabrqyzy, qysqasy, sapaly bilim berý úshin tolyq jaǵdaı bar deısiz ǵoı ?
-Iá, bizdiń basty maqsatymyz da – jetkinshekterge sapaly bilim berip, ulttyq dil men tilge sýarylǵan, adamgershilik rýhanı jandúnıesi baı tulǵa qalyptastyrý. Osy baǵytta 149 muǵalim eńbek etedi. Olardyń ishinde jańashyldyǵymen daralanyp júrgen ustazdar barshylyq. Álemdi jaılaǵan indetke baılanysty mektepterde onlaın oqytýda biraz qıyndyqtar bolǵany jasyryn emes. Endigi maqsat – sol ketken olqylyqtardyń ornyn toltyrý.
-Buryn mektep qala ortalyǵyndaǵy tar ǵımaratta ornalasqany belgili. Endi keń ǵımaratqa kóshkennen keıin tynystaryńyz keńeıip, múmkindikterińiz de molaıa túsken shyǵar?
-Shynymen de solaı. 200 jyldyq tarıhy bar eski ǵımaratta 15 synyp komplektisi ǵana boldy. Qala ákimdigi Zachagan kentinde lıtseı ashýdy maqsat etip qoıǵannan keıin osynda kóshtik. Qazir bir ǵana Zachagan baý-baqsha seriktestigi aýmaǵynan 1200 shákirt
mektepke kelip, oqıdy. Olar qalaǵa barmaı-aq endi mektep-lıtseıdegi óz isin jetik biletin, talapshyl ustazdardan dáris alatyn bolady. Osylaısha elıtalyq orta qalyptassa, budan bárimiz de utamyz. Jańa ǵımaratqa Zachagan kentindegi №10 mektepten 1200, №47 mektepten 160 oqýshy pán muǵalimderimen, synyp jetekshilerimen túgeldeı aýysyp keldi. Qazir birge jumys jasap jatyrmyz. Mektepte qadr tapshylyǵy joq, tolyqtaı qamtylǵan.
-Buryn lıtseı synyptarda oqyǵan shákirtter áli qaladan kelip júr me?
-Ádette ata-ana «Biz mektep izdep kelmeımiz, muǵalim izdep kelemiz» deıdi. ıAǵnı olar óz balalaryn bilim sapasy joǵary oqý oryndarynda oqytqysy keledi. 100 paıyz demeı-aq qoıaıyn, solardyń 60 paıyzy qaladan qatynap, bilim alýda.
- «Mekteptiń júregi – muǵalim» deımiz. Ózińiz de aıtyp otyrsyz, ata-ana mektep emes, muǵalim izdep keledi dep. Endeshe, mektepti alǵa tartatyn ustazdar da az emes shyǵar?
-Oǵan sóz bar ma! Osy oraıda men ustazdardyń ustazy dep qazaq tili men ádebıeti pániniń muǵalimi Gúljıhan Tasqarınany aıtar edim. Ol qashyqtan oqytýdyń qıyndyǵyna qaramastan, shákirtterin olımpıadaǵa deıin daıyndaı bildi. Qala boıynsha pedagog sheber ataǵyn alǵash alǵan ustazymyz Qazaqstan Prezıdenti Qasym-Jomart Toqaevtyń Jarlyǵyna sáıkes «Eren eńbegi úshin» medalimen marapattaldy. Sol sııaqty ol kisiniń izbasarlary
retinde Aqmaral Baımoldına men Lázzat Qusaıynovany aıtýǵa bolady. Bıologııa pániniń muǵalimderi, Ybyraı Altynsarın medaliniń ıegeri Shynar Qarataeva men Alma Shúkirovanyń
shákirtteri de respýblıkalyq joba-baıqaýlarda oza shaýyp júr. Al orys tili men ádebıeti pániniń muǵalimi Elmıra Bısenǵalıeva oblystan «Úzdik pedagog – 2021» atalymyn jeńip alyp, respýblıkaǵa joldama aldy. Onyń áriptesi Gúlnár Sholambaevanyń shákirti respýblıkalyq olımpıadada birinshiorynǵa ıe boldy.
-Sońǵy saýal, lıtseı synyptar qandaı pánder boıynsha oqytylady?
-Jalpy, lıtseı jaratylystaný-matematıkalyq baǵytynda bolǵandyqtan, fızıka-matematıka, hımııa-bıologııa pánderin tereńdetip oqytamyz. 5-6 synyptarda zertteý jumystaryn júrgize otyryp, oqýshylardyń beıinin baıqaımyz. Jetinshi synyptan bastap emtıhan negizinde qabyldaımyz.
Jańa oqý jylynyń basty jańalyǵynyń biri retinde aǵylshyn tili páni muǵalimderiniń jobasyn aıtýǵa bolady. Zamanaýı kóshten qalmaý úshin aǵylshyn tilin bilý de asa mańyzdy. Osy maqsatta mekteptegi 12 muǵalim óz jobalaryn jasap, 5 synyptan bastap
aǵylshyn tilinen aqysyz, tegin kýrstar ashyp otyr. Joba negizinde 10 synyptan bastap qoǵamdyq gýmanıtarlyq baǵytta aǵylshyn tili de tereńdetilip oqytylatyn bolady.
