Sapaly bilim alý úshin jaqsy oqytýshy men oqý quraldary jetkilikti dárejede bolý kerek - N.Mahmetjanov
ALMATY. Mamyrdyń 26-y. QazAqparat /Ádilet Musahaev/ - Qazirgi kúni matematıkadan qazaq tilindegi esep kitaptary óte az.
Bul jaıynda búgin jaryq kórgen «Joǵary matematıka esepteriniń jınaǵy» kitabynyń avtory Nabıbýlla Mahmetjanov oqýlyqty kitaphanalarǵa tapsyrý rásimi kezinde aıtty, dep habarlaıdy QazAqparat.
N.Mahmetjanov qazaq tilindegi kitaptardyń azdyǵyn eskere otyryp jáne óziniń kóp jyldyq tájirıbesine súıenip, atalmysh kitapty jazýǵa kiriskendigin aıtady. Oǵan 4 jyldaı ýaqyty ketken.
«Bul oqýlyq negizinen JOO-nyń memlekettik standartyna negizdelip ınjenerlik, ekonomıkalyq jáne jaratylystaný mamandyqtaryna arnalyp jasalǵan. Ony QR Bilim jáne ǵylym mınıstrligi bekitken bolatyn. Onda teorııalyq materıal keltirilgen, esepter shyǵarý úlgisi men toptamasy kórsetilgen. Qazirgi ýaqytta oqýlyqty QazUÝ-niń stýdentteri keńinen qoldanýda», deıdi kitap avtory.
Sonymen qatar ol sapaly bilim alý úshin jaqsy oqytýshy men oqý-quraldary jetkilikti dárejede bolý kerektigin jetkizdi. «Qazir eýropalyq standarttarǵa aýysyp jatqandyqtan, dáriske ýaqyt az bólinedi de, stýdentter ózderi kóbirek oqýlaryna týra keledi», deıdi N.Mahmetjanov.
N.Mahmetjanov óz sózinde qarjy jaǵynan qoldaý bolsa qazaq tilinde kitap jazatyndar sany kóbeıe túsetindigin aıtady.
