Sapaly ónim, tómen baǵa: aýyl sharýashylyǵy jármeńkesi astanalyqtardy nesimen tańǵaldyrdy

ASTANA. KAZINFORM – Astanada kezekti aýyl sharýashylyǵy jármeńkesi ótti. Bul joly elordaǵa Abaı jáne Atyraý oblystarynyń sharýalary kelip, jalpy kólemi 400 tonnaǵa jýyq ónim usyndy, dep habarlaıdy qala ákimdiginiń resmı saıty.

Saýda sórelerinde 140 tonna et jáne et ónimderi, 80 tonna kókónis pen jemis-jıdek, 70 tonna bal, 50 tonna baqsha ónimderi, 25 tonna balyq, 15 tonna sút ónimderi jáne taǵy 20 tonnadaı túrli dámdi taǵamdar satylymǵa shyǵaryldy.

«Jyl saıyn kelemiz, aldaǵy ýaqytta da kelemiz. Ártúrli bal túrin alyp keldik. Suranys jaqsy, jurtshylyq alady, kóńilderinen shyǵyp jatyr. Biz óte rızamyz», – dedi Abaı oblysynyń bal óndirýshisi Rýslan Rybakın.

Jármeńke taýarlary tikeleı óndirýshilerden jetkizilgendikten, baǵalar da qoljetimdi boldy. Іs-sharaǵa Abaı men Atyraý oblystarynan kelgen shyǵarmashylyq ujymdar uıymdastyrǵan kontserttik baǵdarlama merekelik kóńil-kúı syılady.

Іs-shara «Qazanat» ıppodromy aýmaǵynda ótti. Qonaqtardyń yńǵaılyǵy úshin №18, 37 jáne 303 avtobýstar arnaıy qatynady.

Kelesi jármeńke 27-28 qyrkúıekte ótedi.

Aıta keteıik, Astanadaǵy jármeńkede fermerler 400 tonnadan astam ónim usyndy.