«Sapa ınnovatsııalary 2014» baıqaýynda qazaqstandyq kompanııa jeńimpaz atandy
ASTANA. QazAqparat - Býdapesht qalasynda Majarstan Prezıdenti qoldaýymen Eýropalyq Sapa Uıymy The European Organisation for Quality) uıymdastyrǵan «Sapa ınnovatsııalary, 2014» baıqaýynyń jeńimpazdaryn marapattaý saltanatty rásimi ótti. Bul týraly QR SІM baspasóz qyzmetinen habarlady.
«Áleýetti ınnovatsııalar» nomınatsııasynda «Ulttyq ǵylymı medıtsınalyq ortalyǵy» AQ qazaqstandyq kompanııa joǵary qarqyndy ýltradybyspen emdeý tehnologııasyn (HighIntensity Focused Ultrasound) engizgeni úshin jeńimpaz atandy.
Búgingi tańda bul qaterli isik oshaǵyn joıýda ınvazıvtik emes tásiliniń jalǵyz túri bolyp tabylady, ıaǵnı emdeý sharalary barysynda teri betiniń tutastyǵy búlinbeıdi.
Eýropalyq sapa júldesi bıznes-protsesterdi basqarý júıesin jáne jumys sapasyn jaqsartý úshin beriletin eýropalyq bedeldi syı bolyp sanalady.
Júldeni Ortalyqtyń bas dırektory, medıtsınalyq ǵylymdar doktory, professor Abaı Bagenjın qabyl aldy. Marapattaý saltanatyna Qazaqstan Respýblıkasynyń Majarstandaǵy Tótenshe jáne Ókiletti Elshisi Nurbah Rústemov qatysty.
