Sap túzegen polıtseıler «Men qazaqpyn» ánin oryndady
Vıdeoǵa qaraǵanda, polıtsııa qyzmetkerleri 23 maýsym kúni ótetin tól merekeleri Polıtsııa kúnine daıyndalyp jatqan syńaıly. Óıtkeni, olar án mátinin qaǵazǵa shyǵaryp alyp ne bolmasa uıaly telefondarynan oqý aryly yjdaǵatpen jattap jatqandyqtary baıqalady. Vıdeonyń qaı óńirde túsirilgeni belgisiz.
Esterińizge sala ketsek, bıyl 7 mamyr kúni Jambyl oblysyndaǵy «Otar» áskerı bazasynyń aýmaǵynda ótetin jaýyngerlik parad barysynda «Men qazaqpyn» ánin bir mezette 3 myń sarbaz oryndaǵan bolatyn.
Polıtsııa qyzmetkerleriniń kásibı merekesi 1992 jylǵy 23 maýsymda Qazaqstan Respýblıkasy Joǵarǵy Keńesi qabyldaǵan «Qazaqstan Respýblıkasy ishki ister organdary týraly» Zańmen tyǵyz baılanysty. Zań Qazaqstan polıtsııasynyń qyzmeti men mindetin aıqyndaıtyn alǵashqy quqyqtyq akt bolyp tabylady.
2007 jyly 5 maýsymda «Qazaqstan Respýblıkasy ishki ister organdary týraly» QR Zańynyń qabyldanǵanyna 15 jyl tolýyna oraı, Elbasy Nursultan Nazarbaev 23 maýsymdy Polıtsııa kúni dep bekitti.