Sanjar Jarkeshov energetıka vıtse-mınıstri qyzmetine taǵaıyndaldy
ASTANA. KAZINFORM – Qazaqstan Respýblıkasy Úkimetiniń qaýlysymen Sanjar Serikbaıuly Jarkeshov energetıka vıtse-mınıstri qyzmetine taǵaıyndaldy. Bul týraly Úkimettiń baspasóz qyzmeti habarlady.
Sanjar Jarkeshov 1986 jyly Qaraǵandy oblysy, Atasý aýylynda dúnıege kelgen. «Qarjy» mamandyǵy boıynsha Qazaq ekonomıka, qarjy jáne halyqaralyq saýda ýnıversıtetin jáne AQSh-tyń Ostın qalasyndaǵy Tehas ýnıversıtetin «Munaı jáne gaz ınjeneri» mamandyǵy boıynsha bitirgen.
Jumys tájirıbesi:
2008-2010 jj. – Ostın, Tehas (AQSh) qalasynda hımııalyq tehnologııalardy qoldaný arqyly munaı men gazdy óndirýdi jaqsartý boıynsha munaı jáne geojúıelik ınjenerııa ortalyǵynda ǵylymı-zertteý ınjeneri;
2010-2016 jyldary - Kalıfornııa, Kolorado jáne Tehas shtattarynda (AQSh), Atyraý oblysynda ExxonMobil korporatsııasynyń burǵylaý ınjeneri, Irakta burǵylaý boıynsha aǵa ınjener, Reseı Federatsııasynda (Sahalın aralynda) bas burǵylaý ınjeneri, Qaıshaǵandaǵy munaı jáne gazdy keshendi óńdeý jobasynda uńǵymalardy óńdeý jónindegi aǵa joba ınjeneri;
2016-2018 jj. – Shotlandııa, Pert qalasyndaǵy Merlin ERD kásipornynyń ken oryndarynyń jetekshileri men burǵylaý jónindegi jetekshi ınjeneri;
2018-2019 jj. – Kolýmbııa, Oman, Reseı Federatsııasy, Alıaska, AQSh jáne Ulybrıtanııadaǵy jobalar boıynsha McKinsey and Company London keńsesinde basqarý jónindegi keńesshi jáne álemdik munaı-gaz salasynyń sarapshysy;
2019-2020 jyldary – geologııa salasyna jetekshilik etken Qazaqstan Respýblıkasy Ekologııa, geologııa jáne tabıǵı resýrstar vıtse-mınıstri;
2020-2022 jyldary – Naftogaz UGV bas dırektorynyń geologııa jáne ıgerý jónindegi orynbasary - Ýkraınanyń «Naftogaz» ulttyq munaı-gaz kompanııasynyń barlaý jáne óndirý bólimi dırektorynyń orynbasary;
2022 jyldyń aqpan aıynan bastap «QazaqGaz» UK» AQ basqarma tóraǵasynyń m.a.
2022 jyldyń naýryz aıynan 2025 jyldyń mamyr aıyna deıin – QazaqGaz UK AQ basqarma tóraǵasy.
Buǵan deıin Qazaqstan Prezıdenti Ákimshiliginiń kelisimimen jáne qala ákiminiń ókimimen Shymkent qalasy ákiminiń orynbasary laýazymyna Erjan Seıtenov taǵaıyndalǵanyn jazǵan edik.