Sanjar Táshkenbaı Ispanııadaǵy týrnırde fınalǵa shyqty

ASTANA. KAZINFORM - Ispanııanyń La-Nýsııa qalasynda ótip jatqan bokstan Boxam Elite-2026 týrnırinde Sanjar Táshkenbaı (50 keli) fınalǵa joldama aldy.

Otandasymyz jartylaı fınalda ıspanııalyq Karlos Dıaspen qolǵap túıistirgen edi. Jekpe-jek barysynda ol senimdi oıyn kórsetti. Nátıjesinde tóreshilerdiń biraýyzdan sheshimimen qarsylasynan basym tústi.

Sanjar Tashkenbaı 2003 jyly 1 maýsymda dúnıege kelgen. 2023 jyly álem chempıony atansa, 2022 jyly Azııa chempıonatynda jeńis tuǵyryna kóterildi.

Sanjar 2025 jyly World Boxing aıasyndaǵy álem kýbogynda chempıon atandy.

Aıta ketsek, búgin Ispanııadaǵy týrnırde qazaqstandyq 17 boksshy jartylaı fınalda synǵa túsýge múmkindik aldy.

Qazirge deıin el quramasynan Nazerke Serik (65 keli), Panar Seıithanqyzy (80 keli), Ýmıda Sadyqova (80 keliden joǵary) fınalǵa shyqsa, Elıanur Turǵanova (48 keli), Nurzat Ońǵarov (50 keli), Gúzal Sadyqova (80 keli) qola júldeni mise tutty.

Fınaldyq jekpe-jekter erteń, 7 aqpan kúni ótedi. Elimizdiń erler quramasy úshin halyqaralyq týrnır — Nurjan Nasanovtyń jetekshiligimen ótip jatqan alǵashqy jarys. Ol jyl basynda Qaırat Sátjanovty almastyrǵan edi.