Sanjar Táshkenbaı bokstan álem kýbogynda altynǵa talasady
ASTANA. KAZINFORM — Qytaıdyń Gýııan qalasynda ótip jatqan Álem kýbogynda búgin, 20 maýsymda Sanjar Táshkenbaı (50 keli) jarysty jalǵastyrýǵa múmkindik aldy.
Sanjar Táshkenbaı ½ fınalda ıspanııalyq Martın Molına Salvadormen kezdesti.
Jekpe-jek barysynda otandasymyz jınaqy qımyl kórsetti. Qazaqstandyq boksshy soqqynyń astyna aldy. Nátıjesinde qarsylasynan 5:0 esebimen basym tústi.
Sanjar Táshkenbaı 2023, 2025 jyldary álem chempıony ataǵyn jeńip alsa, 2022 jyly Azııa chempıony atandy.
Aıta ketsek, budan buryn Nazym Qyzaıbaı (54 keli), Vıktorııa Grafeeva (60 keli), 70 kelide eń tájirıbeli boksshy sanalatyn Abylaıhan Júsipov fınalǵa shyqsa, Dına Islambekova (80 keliden joǵary), Valerııa Aksenova (80 keli) qola júldeni qanaǵat tutty.
Sondaı-aq endi el quramasynan Aıda Ábikeeva (65 keli), Aıbek Oralbaı (90 keli) el namysyn qorǵaıdy.
Aıta ketsek, jarystyń atalǵan satysynda Ózbekstan 11, Qytaı — 9, Qazaqstan men Frantsııa — 8 úzdigine úmit artsa, odan keıingi oryndarda Úndistan men Polsha — 6, Anglııa men Brazılııa — 4, Ázerbaıjan men Italııa — 3, AQSh, Bolgarııa, Ońtústik Koreıa, Iordanııa, Ispanııa — 2 sportshysyna senim bildiredi.
Al jartylaı fınalda Aýstralııa, Germanııa, Kanada, Iran, Meksıka, Taıpeı, Taıland jáne Moldovadan 1 bylǵary qolǵap sheberi sharshy alańǵa shyǵady.
