Sanjar Táshkenbaı bokstan álem chempıonatyn jeńispen bastady

ASTANA. KAZINFORM - Anglııanyń Lıverpýl qalasynda World Boxing aıasynda ótip jatqan álem chempıonatyn Qazaqstan quramasynan Sanjar Táshkenbaı (50 keli) jeńispen bastady.

Otandasymyz 1/8 fınalda ıordanııalyq Hýthaıha Eshıshpen qolǵap túıistirdi.

Qos qarsylas jekpe-jek barysynda jeńiske jetýge bar kúshin saldy. Alǵashqy eki raýndta Sanjardyń sál basymdyǵy baıqaldy. Sheshýshi raýndta da qazaqstandyq boksshy saýatty oıyn kórsete bildi. Nátıjesinde bul jekpe-jekte jeńimpaz atandy.

Sanjar Tashkenbaı 2003 jyly Túrkistan oblysy Keles aýdanynda dúnıege klegen. 2023 jyly álem chempıony atansa, 2022 jyly Azııa chempıonatynda altyn medalǵa ıe boldy.

Qazirge deıin el quramasynan Nazym Qyzaıbaı (48 keli), Alýa Balqybekova (51 keli), Vıktorııa Grafeeva (60 keli), Mahmud Sabyrhan (55 keli), Nurbek Oralbaı (80 keli) shırek fınalǵa joldama alsa, Natalıa Bogdanova (70 keli) endi jartylaı fınalda synǵa túsedi.

Endi el quramasynan Bekzat Nurdáýletov (85 keli), Ertýǵan Zeınýlınov (65 keli) sharshy alańǵa shyǵady.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótedi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.