Sanjar Mádıev «Altyn orda» kıno jobasynyń sýretin jarııalady

Reseı kınematografshylary "Taqtar oıyny" ("Game of Thrones"), "Sultan Súleımen" ("Muhteşem Yüzyıl") serıaldaryna uqsas telejoba ázirlep jatyr. "Altyn orda" ("Zolotaıa orda") dep atalatyn serıal XIII ǵasyrdaǵy Kıev Rýsi men Altyn Orda arasyndaǵy qarym-qatynasty sýretteıdi.

Jobamen "Mars Medıa" jáne "Amedıa" kompanııalary aınalysady. Birinshi maýsym 16 serııadan quralady, jobanyń jalpy bıýdjeti 400 mln rýbl dep aıtylýda. Túsirilimniń 70 paıyzy Tatarstanda, sodan keıin Máskeý men Qyrymda ótedi.

Qazaqstannan Arýjan Jazylbekova, Dına Tasbolatova, Sanjar Mádıev, Dáýlet Ábdiǵaparov sekildi akterler qatysady. "Altyn Orda" 2017 jyly kúzde efırge shyǵady dep josparlanǵan.

Sıýjeti: XIII ǵasyrdyń sońy. Ejelgi Rýs Shyńǵys han urpaqtarynyń qol astynda. Uly knıaz ıAroslav taram-taram bolǵan orys knıazdyqtaryn biriktirip, bodandyqtan bosaýdy armandaıdy. Biraq basty jaýy janynan tabylady - olar knıaz Borıs pen úlken uly Vladımır edi. Rýs astanasyna Altyn Orda elshisi - Táńir Temir keledi. Ol Ordaǵa orystan jaýynger jınaýǵa kelgen edi. Biraq ol mynadaı shart usynady: eger Uly knıaz oǵan Borıstiń qalyńdyǵy - knıagına Ýstınıany áıeldikke berse, sarbazdardyń bir bóligin qaldyrady. ıAroslav oǵan kelisim bergisi kelmeıdi, alaıda Borıstiń ózi buǵan moıynsunady. Osylaısha Borıs knıaz taǵyna qol jetkizýdi oılaǵan edi. Sóıtip Ýstınıa kerýenmen birge Ordaǵa attanady.
Elshi ketip bara jatyp Uly hannan ákelgen "syılyǵyn" qaldyrady - ol knıazǵa arnalǵan jas sulý Nargız edi. Endi knıaz eki ottyń ortasynda qalady: bir jaǵynda jańa ǵashyǵy Nargız tursa ben ekinshi jaǵynda ony qabyldamaǵan halqy men birinshi áıeli ıAroslava edi.
Osy kezde Altyn Orda hany Berke kúniniń jaqyndap qalǵanyn sezip, murager qaldyrýdy oılaıdy. Ol 16 jasar Aıjan esimdi qyzdy úshinshi áıel qylyp alady. Elshimen birge Ordaǵa kelgen orys azamattarynyń biri - jas sýretshi Nıkolka Osy Aıjanǵa ǵashyq bolyp qalady.
Telejobaǵa tartylǵan mamandar da ártúrli ulttardan turady: orystar, armıandar, tatarlar, belarýster, evreıler, qazaqtar, grýzınder, ýkraındar.