Sanjar Mádıev áke atandy
ASTANA. QazAqparat - 30 jastaǵy qazaqstandyq akter Sanjar Mádıev áke atandy. Bul týraly ol óziniń ınstagram paraqshasynda jarııalady.
«Ne jazý kerek dep uzaq oılandym... Bylaı jazam dep sheshtim: endi meniń ómirim burynǵydaı bolmaıdy, endi meniń ómirimde kishkentaı qyz bar. Men ony kúshim jetkenshe, tipti bar kúshimmen qorǵaıtyn bolamyn. Men áke atandym. Únemi janyńnan tabylamyn! Árdaıym maǵan arqa súıeýińe bolady! Sen meniń ómirimsiń! Birese maǵan, birese áıelime uqsap ketetin kishkentaı ǵajaıyp úshin Jaratqanǵa alǵys aıtamyn! Men senderdi óte qatty jaqsy kóremin», - dep jazdy akter.
Sanjar Mádıev akterlik jolyn «Kóshpendiler» fılmindegi kishigirim rólden bastady. Qarlyǵash Muhamedjanova, Ánýar Nurpeıisovpen birge túsken Farhat Sháripovtyń «Qyzǵylt qoıan týraly hıkaıa» fılmi arqyly tanymaldylyqqa ıe boldy. Keıinirek, «Elesti qýý», «Atpen júrý», «Ańyzdar kitaby: tylsym orman», «Astana - júregim meniń» kartınalaryna tústi, «Marko Polo» amerıkandyq serıalynyń túsirilimine qatysty. Sońǵy jyldary «Úıge jol» fılmine, «Amanat: Kenesary han», «30 jasta úılený» kartınalarynda, «Qustar áni» serıalynda jáne reseılik «Qorǵaýshylar» fılmine tústi.
