«SANY Group» kompanııasy Qazaqstannyń mashına jasaý salasyna ınvestıtsııa quıýǵa nıetti
BEIJІŃ. QazAqparat - 9 jeltoqsanda QHR-daǵy QR Elshisi Shahrat Nuryshev «SANY Group» korporatsııasynyń vıtse-prezıdenti Lı Tszıntszınmen Qazaqstannyń mashına jasaý jáne kólik-logıstıkalyq salasynda ınvestıtsııalaý máselesin talqylady, dep habarlady Qytaıdan «QazAqparat» HAA tilshisi.
Lı Tszıntszın QR Prezıdentiniń iske asyrylyp jatqan «Nurly jol» jańa ekonomıkalyq saıasatynyń jáne onyń qytaılyq «Jibek jolynyń ekonomıkalyq beldeýi» bastamasymen odan ári túıisýi aıasynda Qazaqstan ınvestıtsııa quıý úshin tartymdy naryq bolyp tabylatynyn atap ótti. Yntymaqtastyqtyń perspektıvalyq baǵyttaryn aıqyndaý úshin tıisti memlekettik organdarmen jáne áleýetti áriptestermen kelissóz ótkizý maqsatynda taıaý ýaqytta QR-daǵy «SANY Group» kompanııasy ókilderiniń saparyn uıymdastyrý týraly ýaǵdalastyqqa qol jetkizildi.
Qazaqstandyq dıplomat, óz kezeginde, áńgimelesýshini sheteldik ınvestorlar úshin ınvestıtsııalyq klımat jáne preferentsııalarmen, Qazaqstanda iske asyrylyp jatqan «QR men QHR úkimetteri arasyndaǵy ındýstrııalandyrý jáne ınvestıtsııa boıynsha baǵdarlamanyń» negizgi erejelerimen tanystyrdy.
Jańartylǵan jáne balamaly energetıka, atap aıtqanda jel jáne kún energııasy salasyndaǵy kompanııa jumysynyń baı tájirıbesin esepke alyp, Shahrat Nuryshev «SANY Group» kompanııasyn Astanada ótetin EKSPO kórmesine shaqyrdy.
«SANY Group» kompanııasy 1989 jyly qurylǵan. «Caterpillar», «Komatsu», «Hitachi» jáne «Volvo» keıin iri álemdik qurylys arnaıy tehnıkasyn óndirýshileriniń 5-tigine kiredi. Qyzmetker sany 40 myń. Kompanııada Germanııa, AQSh, Brazılııa, Úndistanda óndiristik jelileri bar, álem boıynsha 28 fılıaly, 106 dıstrıbıýtor, 346 servıstik ortalyqtary jumys isteıdi.
